قالت الفنانة يسرا، خلال حلولها ضيفة على برنامج طريق ثالث للأعلامية إيناس الشواف على راديو إنرجي 92.1، إن القدر أحيانا هو من يغير مسار حياة الإنسان، مضيفة 'ده نعمة من ربنا إنك تمشى بطريق أحسن من الطريق اللي كنتي عايزاه'.
لقاء الفنانة يسرا مع إيناس الشواف
وتابعت بقولها 'والدتي أثرت فيا بشكل كبير جدا وتعلمت الكثير من أساتذه إشتغلت معاهم على مدار السنوات الماضية فالشغلانة دي غنية جدا ، وصعبة وتخليك تتعلم الكثير'.
وأضافت 'ممكن تتصدمي خلال رحلتك في ناس وإنهم يكونوا بالشر ده بس للأسف موجودين في حياتك، وهنا لازم توقفي وقفة مع نفسك علشان تحصني نفسك إنك تتوجعي ، ومن أكثر الشخصيات اللي أثرت في حياتي هي والدتي ، أثرت فيا وفي تعليمي ، كان ليها الفضل الأول والأخير في حياتي ، وفي المدرسة كنت أحترم جميع المدرسين ولكن كنت أخاف من مديرة المدرسة وفي نفس الوقت علمتني أشياء كثيرة'.
وأكملت 'أنا بشوف أن التاريخ بيعيد نفسه في مشاكله والفجوات اللي بتظهر والنجاحات والإخفاقات زي ما هتلاقي على مر التاريخ قصص عن الخيانة والحب وكل المعاني هتلاقيها في الوقت الحالي مع اختلاف الشخصيات والمواقف'.
وتابعت يسرا: 'أنا لما بختار الشخصية بيكون فيها جزء مني أو إنك مريت بتجربة مع شخص بنفس المواصفات، أحياناً كتيرة في المعالجة الدرامية بنحاول نخفف الشخصيات وبعض الحاجات بنزودها علشان تؤثر في المشاهد'.
وعن تأثير السوشيال ميديا في حياتها ، قالت: 'أنا محددة استخدامات السوشيال ميديا مش بالمشاهدات ولا بالشير، وكمان السوشيال ميديا لا تستخدم في السبب الرئيسي لوجودها وهي الحصول على المعلومة الحقيقية، السوشيال ميديا كانت موجودة علشان تسهل الدنيا ولكنها صعبتها'.
تابعوا آخر أهل مصر على Google News
