زينة عن أحمد عز: ملكوش دعوة بينا خالص لأنه في بينا ولاد

علقت الفنانة زينة على أزمتها مع الفنان أحمد عز، وذلك في برنامج حبر سري، المذاع عبر قناة القاهرة والناس.

وقالت زينة: "الناس اللي واقفة مع أحمد عز ضدي مش موجودين دلوقتي، هما فين دلوقتي مش سامعة صوتهم يعني، زائد أن دي مشكلة شخصية بيني وبينه، والمشلكة كبرت لأننا معروفين وحتى الجمهور دخل فيها، فمحدش له أنه يتدخل أو يتكلم، في الآخر أنا وهو فيه بينا أولاد، وأي حد داخل بينا خارج".

وتابعت: "هيلف الزمن والسنين وهتلف المواقف وأنا لو وقعت في أزمة أكيد هو هييجي مش عشاني، أنا عشان خاطر ولاده، وأنا لو لاقيته في أزمة أكيد أنا أول واحدة هجري عليه، لأنه راجل كويس ومحترم ومتكفل بولاده، وكويس معاهم جدا فننهي الموضوع ده وخلاص منتكلمشي فيه تاني خالص، ومنكتبش عنه، لاني أنا زهقت وهو وكل الناس".

وأضافت:"موضوع شخصي يا جماعة الموضوع خلص وانتهى، هو كويس وأنا كويسة، ملكوش دعوة بينا خالص، محدش يحيب سيرة الموضوع واللي بيقول رأيه يروح يقوله في بيته".