زينة وأحمد عز.. تصريحات مثيرة للجدل تعيد "الأزمة" إلى الواجهة مجددًا

أثارت الفنانة زينة الجدل، بعد تصريحاتها الأخيرة عن الفنان أحمد عز في برنامج 'حبر سري'، المذاع عبر قناة القاهرة والناس، مع الإعلامية أسما إبراهيم.

وقالت زينة: 'الناس اللي واقفة مع أحمد عز ضدي مش موجودين دلوقتي، هما فين دلوقتي مش سامعة صوتهم يعني، زائد أن دي مشكلة شخصية بيني وبينه، والمشلكة كبرت لأننا معروفين وحتى الجمهور دخل فيها، فمحدش له أنه يتدخل أو يتكلم، في الآخر أنا وهو فيه بينا أولاد، وأي حد داخل بينا خارج'.

راجل كويس ومحترم

وتابعت: 'هيلف الزمن والسنين وهتلف المواقف وأنا لو وقعت في أزمة أكيد هو هييجي مش عشاني، أنا عشان خاطر ولاده، وأنا لو لاقيته في أزمة أكيد أنا أول واحدة هجري عليه، لأنه راجل كويس ومحترم ومتكفل بولاده، وكويس معاهم جدا فننهي الموضوع ده وخلاص منتكلمشي فيه تاني خالص، ومنكتبش عنه، لاني أنا زهقت وهو وكل الناس'.

وأضافت:'موضوع شخصي يا جماعة الموضوع خلص وانتهى، هو كويس وأنا كويسة، ملكوش دعوة بينا خالص، محدش يحيب سيرة الموضوع واللي بيقول رأيه يروح يقوله في بيته'.

هل تعود زنية للزواج من احمد عز؟

وعن عودتها لـ أحمد عز قالت زينة: 'مش عايزين حد يدخل في حياتنا، وملكوش أن أنتو تتكلموا، الموضوع أن الإعلام تدخل في الموضوع وكله تدخل بعد كدا، أنتو مين بجد؟ بس أخرسي أنتي وهي وهو محدش ليه دعوة بينا، ناكل بعض، هنتصالح، نقطع بعض، فيه بينا ولاد'.

وأضافت زينة في حديثها: 'ملكوش دعوة، هو راجل محترم وأنا ست محترمة، محدش يتدخل في حياتنا ويقول رايه، وميرسي، سلاموا عليكوا'.

علاقة زينة بـ أحمد عز

وقالت زينة في البرنامج، إنه لا يصح أن تقول إنها تحب رجل غيره من أجل أبنائها، مضيفة: 'أنا عندي أولادي دلوقتي أبوهم مش موجود، مش هينفع أطلع أقول بحب راجل غيره، أنا بحب أبو ولادي'.