بتصريحات مثيرة.. صلاح عبد الله "مفيش منه" على راديو 9090

حل الفنان صلاح عبد لله ضيفا على الإعلاميين شيماء حافظ، ورامي الحلواني، في برنامجهما الإذاعي 'مفيش منه'، على راديو 9090، حيث قال: 'يوم ولادة زوجتي كان يوما صعبا في أوله، سعيدا في آخره، حيث جاءت ابنتي دنيا إلى الحياة، وقولت لها دنيا جديدة وسعيد بإذن اللهـ لتكون دنيا صلاح عبد الله، وبعدين طبعا جات البنتين بعد كدا، بس دا كان أسعد يوم في حياتي'.

صلاح عبد الله

فقرة أول عمل في حياة صلاح عبد الله

وسأل مقدما البرنامج الفنان صلاح عبد الله عن أول مسرحية له فقال: 'أول يوم ليا على المسرح كان يوم مفيش منه في التوتر والقلق والرعب والتوقع يا ترى هكون كويس يا ترى المسرحية الناس هتستقبل إفيهاتي إزاي، هيضحكوا هيصفقوا مش عارف، وكل يوم في المسرح بيكون صعب جدا، وكل ممثلي المسرح كدا مش أنا بس، لو سألتي أي حد بيعمل مسرح هيقول كدا'.

وأضاف: 'بس أول يوم في العرض بيكون التوتر أكتر، وأول مسرحية في الاحتراف كانت مع النجم الكبير محمد صبحي، والمؤلف لنين الرملي وكانت اسمها المهزوز، وأول يوم في العرض عشان كان عرض احترافي فكان يوم مافيش منه، وقبل المهزوز عملت حاجة على المسرح القومي وكانت مسرحية رابعة العدوية، ودي كانت أول مرة أمثل مقابل أجر'.

فقرة النص التاني في حياة صلاح عبد الله

وردا على سؤال عن مين النص التاني في حياة صلاح عبد الله وكاتم أسراره قال: 'نصي التاني مفيش غيرها، نصي التاني والأولاني أم بناتي، وكاتم أسراري هو أحمد آدم، لأنه تقريبا إحنا طلعنا مع بعض وبسرعة أصبحنا أصدقاء، وفضلنا أصدقاء إلى الآن، وأنا عارف إن آدم مش بيحب ساعات أقول الحكاية دي، لأنه فارق السن كبير بينا، يعني تقريبا 40 سنة أصحاب، مش بنتقابل ونقعد زي الأول، إنما مهما بعدنا في تواصل، وفي الفترات اللي عملنا فيها المسرح مع بعض، إحنا تقريبا على طول مع بعض بعد المسرح لازم نسهر مع بعض، وهكذا'.

فقرة الأسامي

وفي فقرة هقولك أسامي وتقول جملة عليها قال الفنان صلاح عبد الله، عن إبنته دنيا: 'أسعد يوم في حياتي يوم ولادتك'، وعن الفنان أحمد عز قال: 'دا حبيبي وفرحانله جدا بنجاحاته ما شاء الله عليه، كل فترة وكل سنة بنحس إن نجومية أحمد عز بالذات في السينما بتزداد، وحابب وفرحان إني شاركته بدايته السينمائية، وكسر الدنيا ووصل للناس، وكان هو البطل طبعا بس أنا كنت بشاركه النجاحات دي'.

وعن ياسمين عبد العزيز قال: 'طبعا الدادة دودي ياسمين، كانت نجمة إنما الدادة دودي يعتبر نقلة لها، وأنا كان ليا الشرف إني شاركتها، وبعد كدا برضو عملنا فيلم الثلاثة يشتغلونها، كان مهم ومفيش منه'، وعن أحمد السقا صلاح عبد الله: 'برضو شاركت معاه مسرحية، وكان وقتها السقا بدأ يكون مهم، وعشنا سوا رحلة صعوده'.