تعليق صادم من سعد الصغير على كواليس حلقته مع بسمة وهبة في "العرافة"

خرج الفنان سعد الصغير عن صمته، وعلق على كواليس مشاركته في برنامج 'العرافة' مع الإعلامية بسمة وهبة، كاشفا عن أسباب انسحابه من الحلقة، بسبب كشف شيخ العرافين لأسراره.

وقال سعد الصغير خلال لقائه في برنامج 'القاهرة اليوم'، من تقديم إدوارد ونانسي مجدي: 'هي أول حاجة قالتها أنا كرهاك، وكارهة اللقاء معايا، وفكرة أنها كارهاني يبقى مينفعش تجيبني وتطلعني بمنظر وحش قدام الناس'.

وأكمل: 'أي حد بيقول أي حاجة من غير تأكيد، أنا ممكن أطلع أقول إن أستاذ إدوارد خطف مني فيلم، أنا كنت هاخد فيه 3 ملايين، وهو أخد 50 ألف بس، إيه اللي هيثبت دا؟! إني أقول اسم الفيلم والمنتج يطلع يأكد، أي حد يتكلم لازم يبقى عايز تريند ويظلم الناس'.

وتابع: 'حقيقي اللي بيتقال إن الفنان بيتفق مع الإعداد عشان البرنامج يطلع تريند، ومش أنا بس اللي باعمل كدا دا كل الدنيا'.

وكان سعد الصغير انسحب من الحلقة بعد سؤال شيخ العرافين، قال فيه: 'جيبت لبس العيد لولادك؟'، فرد سعد: 'مش بجيبلهم لبس عيد، هما كبار وبيجيبوا بنفسهم'، فأشار شيخ العرافين إلى أن سعد الصغير له 3 أبناء صغار، بخلاف أبنائه من زوجته الأولى.

ومن بعدها، بدأ سعد الصغير في خلع الميكروفون ورميه قائلا: 'أقسم بالله الموضوع دا لو اتعرف أنا مش عايز البرنامج'، ثم غادر الاستوديو غاضبا.