دافعت الفنانة فريدة سيف النصر، عن الفنانة نيللي كريم، بعد الهجوم التي تعرضت له من البعض، وذلك عبر حسابها الشخصي على موقع التواصل فيس بوك.
ووجهت فريدة سيف النصر رسالتها قائلة: 'نيللي ماتحزنيش..حكت لي حبيبتي وصوتها كله مرارة واستغراب من هجوم عليها بلا مبرر عن عمل كما قالت من حداشر سنة هو ذات، دخلت اشوف وتعجبت ليه دلوقتي وايه الحكمة من كلمة ما بتعرفش تمثل ولا تقول كلمتين على بعض..من رجل وست زملاء مهنة في برامج مختلفة وأحنا كلنا أخوه وليه الكلام ده دلوقتي.. وليه ماكانش ساعتها النقد، اسمعيني حبيبتي وأنا لا أخاف إلا الله ولا أخشى في الحق لومة لائم، عملة نادرة يانادرة ياجادرة علامة فارقة ليكي وسط كل الكوكبة دي وكل أعمالك الخطيرة اللي بتدافع عن قضايا'.
الهجوم على نيللي كريم
وأضافت فريدة سيف النصر:'انسي أنك تحزني أنتي كنتي صعيدية بجدارة وبعقل وبفن وعينيكي كانت كلها تشفي وانتقام..والناس حبوا العمل جدا..أنا أختك الكبيرة باقولك أنتي سوبر ستار وأحلى صعيدية من تقمصك ضاعت الملامح الأرستقراطية وانطبع برينت علي وشك قسما بالله واحدة اسمها نادرة..استمتعت بمشاهدي قدامك جدا..وقدرتم أنتي وماندو تكونوا بجد تستاهلوا عمل باسمكم ودائما'.
وتابعت:'أعملي بالنصيحة دي الدفة عايزين يحولها جميعا باتجاهات معينة ومالو حوليها معاهم وقولي الله أنتم ماحصلتوش..النجاح لأي عمل نجاح لنا كلنا لا الورقة ولا الحديدة لهم معنى جنب تقدير جمهورنا الواعي وإنتاج محترم والمتحدث واختياراتها وعارفين كويس الثمين من الغث..نيللي كريم الفنان النجم بتعمله حاجات مهمه، أخلاقه، سمعته، نوعية أعماله، اتجاهاته، اجتهاداته، قلبه النظيف، حبيبتي هاتحزني اكتر لما تلاقي على سور الأزبكية شهادات وجوائز اترموا لما العمالقة رحلوا ونظفوا البيوت.. ولكن الباقي الأعمال.. أعمال صالحة لله وقلوب نظيفة..وأعمال محترمه بتقول كلمه وابداع وفخر لما تتعاد'.
وأكملت:'النجومية لا تتجزأ لو نقصت في عيون الناس تهتز، أنتي أحلى صعيدية من الآخر...ولاااااااااااا يهمك..افرحي بنجاحك وبصي للي جاي خلصت طالما فهمتي هاترتاحي، اللي بيحب نيللي زيييطبطب عليها ونقول لها معلش مش قصدهم'.
تابعوا آخر أهل مصر على Google News
