كشف الفنان ماجد المصري، عن تفاصيل قبوله لشخصية 'زيدان' في مسلسل 'ضرب نار'.
وقال ماجد المصري، خلال حواره في برنامج 'مساء دي إم سي' المذاع على فضائية 'دي إم سي': 'جالي تليفون مع صديقي المنتج محمود كمال من شركة سينرجي، وقالي دور مهم جدًا عايزك تلعبه، قولتله أقرأ الأول، وبعتلي المعالجة والحلقات لقيت اسم نصر عبدالرحمن على الورق وهو اسم كبير وعارف أن في ياسمين عبد العزيز وأحمد العوضي وأحمد بدير وانتصار ومجموعة كبيرة أوي من الممثلين'.
وأضاف ماجد المصري: 'حسيت أن زيدان شخصية محيرة شوية كلمت نصر عبدالرحمن قالي زيدان شخصية مميزة في المسلسل ومش عارف يجمع بين الخير والشر هتحبه ومش هتعرف تكرهه، وشخصية زيدان في المسلسل التفاصيل فيها كتير ومتأكد إنك هتستمتع جدًا جدًا لو لعبت الشخصية صح.. وقريت الورق، وتحمست له جدًا وقولتلهم أنا جاهز للتصوير'.
البطولة الجماعية
وحول أدائه لأعمال بها بطولة جماعية، قال: 'في ناس بتشتري البطولة الجماعية وناس لا ممكن تبقى مفيدة وممكن لا المهم الممثل يبقى موافق على دا من جواه، لأنه لو مش موافق هيبان عليه ومش هيعرف يشتغل وهيبقى واخد باله إن المسلسل مش له لوحده بس هل هيقبلها ولا لا هيبقى مش مركز اوي في التفاصيل اللي بيتعملها'.
وأكد ماجد المصرى أنه بدأ قويا للغاية في السينما في بداية مشاركته في المجال الفني، متابعا: 'ثم ابتعدت المسألة بعض الشىء بسبب عدم تركيز وعم اهتمام وكسل مني'، مضيفا أنه منذ بداية مسلسل آدم للمخرج محمد سامى كانت خطوة انتقالية مهمة للغاية في حياتى الفنية، ثم جاء مسلسل مع سبق الإصرار، ثم بدأت تتوالى الأدوار، وبدأت الأعمال تكون في مكان جيد للغاية.
تابعوا آخر أهل مصر على Google News
