ريهام حجاج عن مصطفى درويش: "ناس كتير استكتروا عليه الرزق"

كشفت الفنانة ريهام حجاج عن تفاصيل صادمة في حياة الفنان الراحل مصطفى درويش، مؤكدة أن الراحل من أكثر الفنانين الذين تعرضوا للهجوم، وذلك خلال منشور على حسابها الشخصي بموقع التواصل الاجتماعي 'فيسبوك' نعت فيه الفنان الراحل.

اتقال كلام كتير يهدم أي حد

وكتبت ريهام حجاج: 'مصطفى درويش من أكتر الناس اللي اتحاربت، وياما اتكتب عليه واتقال كلام كتير يهدم أي حد'.

وأضافت: مصطفى درويش كتير استكتروا عليه رزقه اللي ربنا كان باعتهوله، وكعادة بعض الناس اللي شايفين إنهم لازم يقرروا مين يستحق الرزق ومين لأ؛ شايلين من دماغهم إن ربنا بس اللي بيرزق، مصطفى اتكلم معايا في الموضوع ده لما قابلته مرة، بعد دوره في بميت وش، وكان حقيقي متأثر، يا ريت تفهموا إن ربنا دايما ليه حكمة في كل حاجة، وأهو مصطفى ربنا افتكره وهو لسه صغير، يا ريت تبطلوا تجرحوا في الناس وهما وأنتم لسه عايشين؛ عشان مش حاتقدر تتحمل وقفتك أدام اللي جرحته وهو مختصمك أدام ربنا، ما فيش حاجة في الدنيا مستاهلة'.

وفاة مصطفى درويش

نعى الفنان عصام السقا، الفنان مصطفى درويش، الذي توفي أمس الإثنين، عن عمر يناهز 43 عاما.

وقال عصام السقا عبر مداخلة هاتفية مع الإعلامية إيمان الحصري في برنامج ' مساء دي إم سي ' المذاع على قناة ' DMC': 'أعيش في صدمة كبيرة بعد قراءة خبر وفاة مصطفى درويش.. مصطفى درويش كان إنسانا بكل ما تحمله الكلمة من معنى'.

وأضاف عصام السقا: 'مصطفى درويش اتحارب كتير وناس كتير كانت مستكترة النجاح على مصطفى درويش.. كان بيحب الخير لكل الناس ومصطفى عمره ماتكلم على حد كلمة وحشة'.