حلا شيحة لمتابعيها: «إيه رأيكوا أعمل نوسة جزء تاني؟».. والجمهور يرد

دعم جمهور ومتابعي الفنانة حلا شيحة، قرارعودتها للتمثيل مرة أخرى، بعد فترة من إعلان الاعتزال.

ونشرت حلا شيحة عبر حسابها الشخصي بموقع إنستجرام صورة من شخصيتها الشهيرة 'نوسة'، من فيلم اللمبي، الذي جمعها بالفنان محمد سعد، وعلقت قائلة: أيه رأيكوا أعمل نوسة جزء تاني؟!؟؟'..نوسة نسيت الشنداويتش..#نوسة_اللمبي خلاص خلاص'.

وتفاعل عدد كبير من متابعي حلا شيحة معها بالعديد من التعليقات التي دعمت قرارها في العودة للتمثيل مجددا منها:'أنتي تقدري تعملي أي حاجة وكل حاجة أنتي عاوزاها المهم قمرنا يفضل معانا طول العمر يا أجمل نوسة في الكون يلي مصر الجديدة كلها بتجري وراكي'.

A post shared by Hala Shiha (@halashihanew)

وعلق أحدهم قائلا:'أحلى دور عملتيه، ياريت والله بس يبقى على نفس تقل الفيلم مش أقل منه الفيلم ده كل مرة بشوفه كأنى أول مرة أشوفه عمرى مازهقت منه بيعمل حاله مبهجة كده وجميلة يمكن بالنسبالى من أجمل الأفلام اللى اتعملت لانه ميكس بين أنه بيضحك جدا من غير ابتذال وأنه محترم'.

وعلق آخرين قائلين:'ياريت و الله و نرجع أيام اللمبي ونوسه وعم بخ الله يرحمه'، و'ياريت والله بس لازم يكون بنفس روح الجزء الأول وتكون معاكم استاذة عبلة'، و'هيبقي جامد على فكرة ويا سلام لو الفنانه عبلة كامل معاكم'، و'ارجعي لشغلك زي قبل وحياتك عايزين نشوفك في فيلم جديد'، و'انتي تعملي اللي أنتي عايزاه كفاية نشوفك ع الشاشة منورة يا نوسة يا قمر ياللي مصر كلها بتجري وراكي'.