مرقس عادل عن الوسط الفني: «الناس الحلوة والحقيقية يتعدو على أصابع اليد»

نشر المخرج مرقس عادل صورة تجمعه بالمخرج عمرو سلامة، عبر حسابه الشخصي على موقع التواصل الاجتماعي فيس بوك.

وكتب مرقس عادل:'مع عمرو سلامة المخرج المختلف والرائع والسينمائي المحمل بحب السيما، الصورة دي بعد ما اتفرجنا على فيلمي ( في عز الضهر ) في المونتاج، تشجيعه وأرائه وطاقته العظيمة حقيقيين جدًا ودردشنا عن السينما والتجارب وفضفضنا، استمتعت بزيارتك يا صديقي العزيز شكرًا ليك ودائما في نجاح وتقدم ومحبة'.

مرقس عادل: الحياة قصيرة وبسيطة ومش مستاهلة

وتابع:'بالمناسبة في هذا الوسط الناس الحلوة والحقيقية واللي بتتمني الخير لبعض يتعدو علي اصابع اليد، اللي يعرفوني كويس عارفين أن من قلبي بفرح و بستمتع لنجاح الناس وبكون أول المهنئين والمباركين وعادة بكون أنا الدعاية لاعمال زمايلي المحترمة والمختلفة ولكن الحقيقة ناس كتير كانو شايفين أن كدة مش صح بس أنا رغم كل اللي شفته مش لطيف في الشغلانه هفضل عندي طاقة الحب لكل زمايلي وهفضل مصدق أن ده سبب ولو بسيط من نجاحي وتقدمي واستمتاعي بخطوات الرحلة حتى في احلك الاوقات'.

وأضاف مرقس عادل:'دايما بتأكد أن ده صح وصحي جدا الحياة قصيرة وبسيطة ومش مستاهلة افرحو لبعض وحبو بعض يومكم جميل ..وطبعا مستني ويهمني جدا ارائكم في فيلم في عز الضهر قريبا في السينمات'.