تامر عاشور: أنا أول مطرب مصري يحيي حفلين كاملي العدد ورا بعض بجدة

عبر المطرب تامر عاشور عن سعادته بحفلاته التي أحياها مؤخرا في السعودية، وذلك عبر حسابه الشخصي على موقع التواصل الإجتماعي فيس بوك.

وكتب تامر عاشور:'اتشرفت بأني أكون أول مطرب مصري يحيي حفلتين كاملتين العدد يومين ورا بعض في الغالية على قلبي جدة، يومين استثنائيين في حياتي ومشواري اللي بدأته مع أهل المملكة خطوة خطوة من البداية حتى الآن بتعب ومثابرة ومجهود علشان أوصل لليومين دول'.

وتابع:'كل ده بفضل ربنا ثُم الجمهور السعودي وبدعم كبير وثقه من الرائد حبيبي واخي أبو ناصر الداعم الأول للفن والابداع عامة وليا خاصة في المملكة بلا توقف، ثم الأهل والأصحاب وهم شركه بنش مارك فرد فرد اللي ماشاء الله شغالين زي الساعه بكل حب ورضا وابتسامه تفتح نفسك على اي شيء'.

وأضاف تامر عاشور:وعايز أشكر مصر وجمهور مصر بلدي اللي كل الفضل يرجعلهم بعد ربنا في كل ما وصلت ليه، كل الشكر للفرقة الموسيقية بقيادة المايسترو الأهم هاني فرحات مش علشان الحفله بس، علشان التعب والبروڤات والجهد والسهر ثم النتيجة، وبالمناسبة دي النهارده بقالي تقريبا ٢٠ سنه بغني ليكم..وكوّنت في اذاهانكم ذكريات كتيير أنا فخور بده وده مش معناه ان سنّي كبير انا عمري ٢٢ سنه تقريبا.. فا تحبوا تقولولي ايه بالمناسبه السعيده دي ؟'.