محمود حميدة: سأذهب للقضاء حال عدم حل أزمة تتر فيلم هارلي (فيديو)

كشف الفنان محمود حميدة، عن سبب مشاركته في فيلم 'هارلي' مع الفنان محمد رمضان.

وقال محمود حميدة، خلال تصريحات لـ برنامج 'The Insider بالعربي': 'السبب قد يبدو غير معقول ولكن بالنسبة لي كان معقول وهو أن محمد رمضان دعاني للعمل ده واللي شرح لي التفاصيل المخرج محمد سامي وقالي هنصور الفيلم ده أثناء رمضان وهنزله على العيد'.

A post shared by The Insider بالعربي (@theinsiderar)

وأضاف محمود حميدة: 'أعجبت بالجرأة دي أنه شايف حاجة يعني ورا التعاون ده وأن لازم يبقي بالسرعة دي وبعدين عملنا اجتماع أنا ومحمد سامي وشرح لي فيه القصة لأن العمل كان بيتكتب على الهوا كمان فدي مغامرة كبيرة جداً'.

وتابع محمود حميدة: 'كان الدافع بتاعي في الأول والأخر إني أساعده على تحقيق اللي في دماغه اللي هي عمري ما عملتها قبل كده بالشكل ده'.

أزمة تتر فيلم هارلي

واعتبر محمود حميدة ماحدث من وترتيب وضع اسمه على أفيش وتتر فيلم 'هارلي' إساءه واضحة له، مشيراً إلى أنه لم يوافق على تنفيذ الفيلم إلا بعد الاتفاق على هذا البند تحديدا، ومع ذلك تم مخالفة العقد.

وأكد محمود حميدة أنه تقدم بشكوى لنقابة المهن التمثيلية، وأنه في حال عدم قدرتهم على حل الموقف، سيضطر للجوء للقضاء.