علقت الإعلامية بسمة وهبة من جديد على بكائها في حلقة برنامجها 'العرافة' في رمضان 2023، والتي استضافت فيها النجم محمد فؤاد بسبب أغنيته 'طمني عليك'.
وقالت بسمة وهبة، خلال لقائها في برنامج 'ET بالعربي': 'كانت حركة ندالة جدا من محمد فؤاد وفريق عمل البرنامج، عارفين أن نقطة ضعفي هي أولادي، منذ انفصالي عن والدهم وهم في سن صغيرة، عشت في بلد وهم في بلد آخر، وأنا مت ولم أدفن'.
View this post on Instagram
وأضافت بسمة وهبة: 'الأغنية دي كانت قهر لي، ومحمد فؤاد غناها لينكد علي ويكسرني قبل الحلقة، سألته جاهز؟ فقال لي أنتِ اللي جاهزة؟ يلا يا أستاذ إيهاب عملية مش عارفة كام، ولقيت الأغنية، في كمية غدر في البرنامج دا'.
بسمة وهبة لـ محمد فؤاد: مش مسمحاك
يذكر أن بسمة علقت على بكائها من قبل في فيديو نشرته، عبر حسابها بتطبيق 'انستجرام'، قالت فيه: 'بص يا محمد يا فؤاد أنا بجد مش مسامحاك ومتشكرة ليك لان الأغنية بقيت اسمعها وعايزة أقول للسادة المشاهدين أن أغنية ممكن تكسر البني آدم من جوة، وتحسسه بحزن شديد، زمان الأغنية دي لما كانت بتشتغل مكنتش بحس بالضعف ده ولا بكسرة القلب ده والحزن ده لكن أنا كبرت في السن، كل ما أكبر كل ما مشاعري بتكبر'.
وتابعت: 'بحب ولادي وواحشني، بحلم اني اشوفهم وسعيدة لما بشوفهم، مش مسامحة انك اتكيت على الحتة دي ودموعي تنزل مش هو ده الصح زعلانة منك، مدربة نفسي، الاغنية شغالة، كلمات الأغنية صعبة للي مفتقد شخص، ولادي لما بيوحشوني بروح على صورهم واشوفها عشان تصبرني وانا ولادي مش عايشين معايا من صغرهم كل واحد في بلد، انا كبرت وعرفت دلوقت اني كبرت لان مشاعري مش بتتحمل، بيوحشوني أكتر من الأول وبشتاق لهم اكتر من الاول ونفسي أعيش معاهم اكتر من الاول'.
واختتمت بسمة وهبة تعليقها قائلة: 'أنا لولا اني بحترم المحطة كنت سبت الحلقة بس انا كملت الحلقة، ومش مسامحاك يا محمد يا فؤاد ولا مسامحه كل واحد تآمر معاك عارف نقطه ضعفي'.
تابعوا آخر أهل مصر على Google News
