علق أحد أحفاد كوكب الشرق أم كلثوم، على إعلان الملحن عمرو مصطفى عن تقديم أغنية لأم كلثوم بخاصية الذكاء الاصطناعي.
وقال أحد أحفاد أم كلثوم وهو والد المطربة الشابة سناء نبيل عن أزمة عمرو مصطفى في تصريح لـ 'أهل مصر':'ميتسكتش على الموضوع ده، مش كل من هب ودب، هو عايز ايه؟، هو عارف أنه مش هيقدر يعمل حاجة، هو عايز شو وترند يعني؟، هو كل واحد عايز ترند يخش يخبط في أم كلثوم مش فاهم في أيه، الست ماتت من كذا سنة سبوها في حالها'.
أحفاد كوكب الشرق أم كلثوم
وتابع:'ده فلس فنى، أنت عايز تركب على نجاح غيرك، أي حد مش قادر يوصل يشوف الهرم بتاع مصر أم كلثوم، وأحنا مش بنتكلم عشان محدش يقول بيعملوا شو، بس ده حقنا وبنشتغل في صمت، وأن شاء الله هيتم اتخاذ إجراءات ومش لازم نطلع في العلن ونقول عنها أحنا مش طالبين شو، احنا بندافع عن حق الست المتوفية وأحنا الورثة الأقربون ليها حاليا من الموجودين، وفيه بلاغ للنائب العام هيتقدم صباح باكر، والمستشار ياسر قنطوش محامي أسرة أم كلثوم، وهيدخل بشكل قانوني والقضاء يفصل بينا وبينه'.
يشار إلى أن المنتج محسن جابر علق مؤخرا في تصريحات إعلامية على تقديم الملحن عمرو مصطفى أغنية لأم كلثوم بالذكاء الاصطناعي، لافتاً إلى أنه اشترى كل تراث أم كلثوم من ورثتها، وهم يثقون به.
وأوضح جابر في حديثه حول هذا الأمر، أن ما فعله عمرو مصطفى ليس افتكاسة، حيث إنه استحضر صوت أم كلثوم بالذكاء الاصطناعي، وتابع: 'مش أم كلثوم اللي يحصل فيها كده'.
واشار جابر في حديثه، إلى أنهم لا يستطيعون أن يحددوا إن كانت هذه الكلمات واللحن الذي اختاره عمرو مصطفى سينال إعجابها أم لا، معتبرا أن استحضار صوت أم كلثوم أمر عبث، وأن الهدف من هذه الأغنية إثارة الضجة والجدل..
وواصل محسن جابر متسائلا:'لماذا لم يقدم عمرو مصطفى أغنية للفنان عمرو دياب بالذكاء الاصطناعي؟'.
تابعوا آخر أهل مصر على Google News
