السر ظهر ليلة زفافها.. لماذا هاجمت بسمة بوسيل مديرة أعمال طليقها تامر حسني؟ "القصة كاملة"

خلال الساعات الماضية، أصبحت بسمة بوسيل وطليقها الفنان تامر حسني حديث رواد مواقع التواصل الاجتماعي من جديد وذلك بعد طلاقهما منذ شهر تقريبا، حيث أثارت بسمة الجدل بعد مهاجمتها لـ مديرة أعمال طليقها واتهامها بأنها وراء خراب البيت، فما هي القصة؟

تامر حسني يكشف صلة قرابته بـ مديرة أعماله هالة عمر

بدأت القصة عندما ظهر الفنان تامر حسني في حفل زفاف مديرة أعماله هالة عمر وهو يقدمها لعريسها مما جعل متابعيه يتساءلون عن صلة قرابته بها.

وردا على متابعيه، نشر تامر حسني فيديو عبر 'انستجرام' من زفاف مديرة أعماله وكتب: 'لكل اللي بيسأل عن وجة القرابة بيني وبين العروسة الجميلة دي، شايف اسئلة كتير أنا هحكيلكوا، هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري ومرة رديت عليها شكرتها'.

وتابع تامر حسني: 'لما سافرت إسكندرية في الوقت ده لقيت بنت صغيرة اوي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل، عشان كنت بتحارب جدًا في بداياتي فاتصدمت إن اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة'.

وأضاف تامر حسني: 'وقتها كانت السوشيال ميديا لسه بتطلع.. وكنا في شركتنا بندور على شركة كبيرة تمسكلي السوشيال ميديا، لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبره يمسكها، وأنا قولت لا لازم أكتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب'.

واستكمل تامر: 'فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب أديها مني أنا عشان والدها ووالدتها توفاهم الله'.

واختتم تامر حسني: 'ومن اللحظه دي اتحولت هالة لبنتي الكبيرة بجد.. اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش أرد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله'.

A post shared by Tamer Hosny (@tamerhosny)

بسمة بوسيل تعاتب تامر حسني لحضوره حفل زفاف مديرة أعماله

بعد ذلك وجهت بسمة بوسيل، رسالة عتاب لطليقها الفنان تامر حسني، عبر خاصية 'ستوري' على 'انستجرام'، قالت فيها: 'احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك'.

كما هاجمت بسمة بوسيل مديرة أعمال طليقها هالة عمر قائلة: 'حسبي الله ونعم الوكيل فيكي يا هالة'

طلاق تامر حسني وبسمة بوسيل

يذكر أنه في الـ 27 أبريل الماضي، أعلنت الفنانة المغربية بسمة بوسيل انفصالها بشكل رسمي عن الفنان تامر حسني، وذلك عبر موقع التواصل الاجتماعي للصور والفيديوهات 'انستجرام'.

وكتبت بسمة بوسيل عبر خاصية الاستوري: 'وجعلنا بينكم مودة ورحمة ده كلام ربنا في الزواج والطلاق، لقد تم الطلاق بيني وبين تامر وسيظل بينا كل ود واحترام، وربنا يكتبلك ويكتبلي كل الخير أمين يارب'.