تحدث الفنان أحمد سعد عن كواليس حفله في موسم جدة وظهور شقيقه الفنان عمرو سعد لأول مرة معه على المسرح.
وقال أحمد سعد، خلال لقاء إعلامي على هامش الحفل لـ ONE TAKE عن استعدادته للحفل والأغنية التي قدمها مع أخيه الفنان عمرو سعد.
في البداية قال الفنان أحمد سعد عن ظهور شقيقه معه في الحفل: 'عمرو كان مفاجئة كبيرة بنسبالي كان نفسي من زمان يحضرلي حفلة ويشوف حب الناس ليا بقي عامل ازاي لأنه أكتر حد بيفرحلي'.
وأضاف أحمد سعد: 'وكان فيه أغنية جربنا نعملها قبل كده أنا وهو بس منزلتش وكان معايا نسخة منها على الموبايل وقررت أفاجئه ونقدمها في الحفلة وعملنا عليها بروفة وغنانها مع بعض وهو كان مبسوط جداً ومكنش عاوز يسيب المسرح'.
أما الفنان عمرو سعد فتحدث عن وجوده مع شقيقه لأول مرة في حفل قائلاً: 'مكنتش مخطط لحضوري مع أحمد من قبلها بفترة لاني مش فاضي طول الوقت بيبقي عندي تصوير بس أحمد عكسي بياخد قرارت جريئة وكلمني قبلها بيوم ووافقت ولما جيت السعودية فاجأني اننا هنغني مع بعض اغنية كنا جربنا نعملها سوا قبل كده ولأخر لحظة كنت متردد بس هو كان مصمم وعملناها وردود الفعل من الجمهور السعودي كانت جميلة جداً'.
وأضاف عمرو سعد: 'لمست في الجمهور محبة أحمد سعد ودي حاجة كويسة جدا أن جمهور سعودي أوعربي يحب فنان مصري بالشكل الكبير ده لأنه في الآخر سفير للهجة المصرية'.
وعبر عمرو سعد عن مدى سعادته بنجاح شقيقه، قائلاً: 'أحمد سعد نجح وبينجح نجاح خطير وخطواته موفقة وتغيير كبير جداً وبقي يشتغل 24 ساعة ودي أول مرة أدخل كواليس شغله مش بيبطل تليفونات وترتيبات بس للأمانة مراته مدام علياء هي جزء كبير من نجاحه واستقراره الفترة الأخيرة'.
أما عن سر غياب عمرو سعد الفترة الأخيرة عن الظهرو الاعلامي قال: 'انا مش بحب اطلع في برامج عشان بحس بخجل لكن الفترة الجاية هكسر الحتة دي وهطلع في برامج كتير وكمان بجهز مسرحية في موسم الرياض هتكون مفاجئة'.
تابعوا آخر أهل مصر على Google News
