ابنة أسامة أنور عكاشة في ذكرى وفاته لـ«أهل مصر»: «والدي علمنا القيم والمبادئ»

في ذكرى وفاة الكاتب العظيم أسامة أنور عكاشة، تحدثت ابنته الإعلامية نسرين أسامة، عن مواقف عاشتها مع والدها، ووجهت له بعض العبارات المؤثرة في ذكراه.

وعبرت نسرين أسامة، عن فقدها الشديد لـ والدها 'أسامة أنور عكاشة' ووجهت له رسالة من خلال موقع 'أهل مصر' وقالت: بابا وحشني جدًا، وعمره ما راح من بالي ولا ذاكرتي، وبشكر كل الناس اللي لسه بتفكره وفكراه لحد انهاردة'.

وروت ابنة الراحل عكاشة عبارات لازالت خالدة في ذاكرتها عن والدها وقالت: كان دائمًا الداعم والمشجع الوحيد ليا، وعمري ما أنسى أيامه كان دائمًا نصائحه فيها رسائل تحمل معاني وأهداف تشجيعية.

وأضافت: 'والدي علمنا كل حاجة حلوة في الدنيا الطيبة، واتربينا على القيم والمبادئ، حتى بعد وفاته لسه عايشين بيها'.

ذكرى وفاة أسامة أنور عكاشة

وأحيت أبنته ذكرى وفاته من خلال نشر صورة عبر حسابها الشخصي بمواقع التواصل الاجتماعي الفيس بوك وقالت: كل سنة بتزيد صعوبة الأمر قد مابتزيد الافكار و مشاعر الافتقاد جوايا على السواء إني أكتب بوست في ذكراك مش مهمة سهلة.

وأضافت: وأنا قاعده بفكر النهاردة بمرور السنة الـ١٣ ممكن أقول إيه افتكرت حاجة من ريحتك متشالة في بيتي بقالها كام سنة وفجأة من يومين قررت اطلعها أستخدمها طاولتك المفضلة لا طاولتنا المفضلة.

وأوضحت: كنت طفلة صغيرة من احلى متع يومي لما باشوفك بتسيب مكتبك اللي على بحر إسكندرية وترمي اقلامك وتجري لحضن الكنبة اللي جنبهم تفرد جسمك إيذاناً ببدء فترة النقاهة بعد ساعات كتابة و إرهاق ذهني فوق العادة وتنده علينا عشان نشاركك بداية الشقاوة والترفيه نتلم حواليك ويمكن نجيب الترمس والحمص والدرة وغيرها من المشهيات ونفتح التليفزيون ونفتح جنبه البلكونة على آخرها علشان تبدأ الحقلة.

واستكملت: هوا البحر بيبدأ معزوفته وحفلتنا الترفيهية بتبدأ معاه، طيب يالا بعد الفيلم الأجنبي ما خلص وشوفنا المسلسل وسمعنا الاغاني ولعينا كمان بيها نلعب بقا، كوتشينه ولا شطرنج ولا طاولة ولا ولا ولا وييجي عليا الدور في لعب ال٣١، لإني بازهق م الشطرنج (وحضرتك أصلاً حريف هتمسحني لو لعبته معاك)