رامز أمير يدخل في نوبة بكاء بعد وفاة نسره «رحمة» (فيديو)

دخل الفنان رامز أمير في نوبة بعد وفاة نسره رحمة، وذلك في الفيديو الذي نشره عبر حسابها الشخصي على موقع التواصل الاجتماعي فيس بوك.

وظهر رامز أمير في الفيديو وهو يتحدث قائلًا:'عملتله عملية وقولت يارب العملية تعدي على خير أصعب يومين عشتهم في حياتي، أول ما ركبت شغلت لوكيشن المكان اللي هعمل فيه العملية، وبدأت أول خطوات العملية بالبنج، وحاولات أثبت الكسر ووحدة واحدة رهبة ابتدت تتخض'.

وتابع رامز قائلًا: 'الدكتور بدأ يجهزها لأوضة العمليات ومن اللحظة الأولى اللي دخلت فيها العمليات وعرفت أن في خطورة، لكن اللي ربنا عايزه هيكون.

رامز أمير: في اللحظة اللي كنت فرحان فيها حصل اللي كنت خايف منه

وأضاف رامز أمير:'في اللحظة اللي كنت فرحان فيها حصل اللي كنت خايف منه، نفسها وقف وإحنا في بداية العملية، وابتدى الدكتور يعملها تنفس صناعي لكن رجعت تتنفس تاني، للمرة التانية في الرجل التانية رهبة بطلت تتنفس والحمد لله التنفس رجع تاني وجه وقت المرحلة الأصعب أنها تفوق من التخدير بعد 3 ساعات، حاولت كتير معاها عشان تفوق لكن استجابتها كانت ضعيفة'.

وأكمل رامز بحزن قائلًا: 'قعدت اتكلم أنا والدكتور عشان الموضوع طول جدًا وبعد كده حصل اللي كنت مستنيه وفاقت وفي اللحظة دي استحالة اعرف اوصفها لأي انسان روحت البيت وأنا حاسس أني عملت أهم انجاز في حياتي وروحت عملتلها أكل اللي بتحبه، وروحت للدكتور ادلها علاجها وأنا مروح لقيتها ماتت بعد ما استحملت كتير أوي'.