ألفت إمام: ابن الجيران سبب فشلي..وهذه قصة زواجي السري

حلت الفنانة ألفت إمام ضيفة على برنامج 'الستات' الذي تقدمه مفيدة شيحة، وسهير جودة بقناة 'النهار'.

الفت امام برنامج الستات

وقالت ألفت إمام في حديثها بالبرنامج: 'كان نفسي أكون محامية وكنت هتفوق فيها لأني عندي حتة الإقناع بس فشلت في الثانوية العامة ومجموعي كان حوالي 52%'.

وتابعت الفت قائلة في كلامها:'قبل الثانوية العامة كنت شاطرة بس انشغلت وقتها بقى بابن الجيران وكنت بحبه وفي الفترة دي كنت رومانسية وبحب اسمع ام كلثوم وعبد الحليم حافظ'.

وأكملت حديثها: 'جمعنا قصة حب انا وابن الجيران وكان فيه ما بينا جوابات وكنا بنتقابل من خلال البلكونة، ومرة ماما قفشتنا وهو بيبعتلي جواب، والقصة دي ما اكتملتش بالزواج'.

وأضافت ألفت قائلة: 'بعد ابن الجيران اتجوزت زيجة غير معلنة في الوسط الفني بس اخواتي وصديقاتي وبنته وزوج بنته كانوا عارفين، ودي كانت زواج غير تقليدي بعد سنة او اتنين كان فيه ما بينا حب واحترام ومودة ورحمة'.

واصلت إمام قائلة:'أول مرة اتجوز كنت زوجة ثانية وانا وقتها كان عمري 32 سنة ومكنتش هاتجوز خالص، وهو اللى خلاني ارتبط واتجوزه رغم إنه كان متزوج وعنده بنت متزوجة'.