ياسمين عز تقدم للسيدات "دروس تنضيف الزوج"

وجهت الإعلامية ياسمين عز عدد من النصائح للسيدات قائلة 'زي ما بدي دروس في تفخيم الزوج في دروس تنضيف الزوج'.

نصائح ياسمين عز للسيدات

وقالت الإعلامية ياسمين عز خلال حلقة أمس من برنامج كلام الناس المذاع على فضائية mbc مصر: 'انتي بريمو في النضافة كلور رايح وديتول جاي وعند ودن جوزك بتكسلي'.

وفي وقت سابق ‏قالت المذيعة ياسمين عز إن الناس تعاني هذه الأيام من صعوبة الجو والعواصف والأتربة وفي هذا الجو يجب على كل السيدات المتزوجات الاعتناء بأزواجهن.

وتابعت ياسمين عز خلال برنامجها «كلام الناس»، عبر فضائية «mbc » مصر ، مساء الخميس: «لازم تقفلي شبابيك البيت حتى لا تدخل الأتربة إلى المنزل ومفيش خروج من البيت النهارده لأن ده مش جو خروج وأهم حاجة تعمليها لزوجك في هذا الوقت تورتة چيلي فراولة بالموز علشان ترطب على قلبه في هذا الجو السيئ».

وأضافت ياسمين عز: «وبعدين تدخلي تنامي وتريحي النهارده من التنظيف حتى تستعدي غدا للغسيل وأيضا تنشري الغسيل بتاع النهارده وتنضفي التراب علشان الراجل يقضي يوم أجازته في جو نضيف».