جيهان قمري: "ياسمين صبري ممثلة مش جامدة ودينا الشربيني أحسن منها"

قالت الفنانة جيهان قمري: ' مشفتش دور لياسمين صبري أقول عليه واو.. وهاجمت صورها الكتير لأنها أوفر' ، والفن كله شلالية وأنا مبعرفش أشتغل كدة

رأي جيهان قمري في ياسمين صبري

وتحدثت الفنانة جيهان قمري عبر برنامج “قعدة ستات” والتي تقدمه الإعلامية مروة صبري على شاشة “القاهرة اليوم”: ' قولت إن ياسمين صبري بتتصور كتير لأن في حاجات معينة بتبقى أوفر، ووقتها كنت بتسأل على أكتر من اسم وشفت من الناس دي كلها احسن حد فيهم دينا الشربيني.

وأضافت جيهان قمري: ياسمين صبري قمر وشكل يجنن وموديل تحفة وأيقونة، ومشفتش دور شفته ليها قولت واو عليها، واللي يزعل يزعل ويتقمص، بس هي ممثلة مش جامدة'.

الفن كله شلالية

وتابعت جيهان قمري: ' الفن كله شلالية وأنا مبعرفش اشتغل كده ، والمنتجين بيتفاجئوا أني موجودة ، ومعايا أرقام كل الفنانين وعمري ما طلبت شغل من حد ، وأنا برا الوسط الفني عشان مش مزيفة ، وأنا بتعامل على أني برا الوسط الفني فعلا عشان أنا براه بقالي سنين، معملتش دراما من 4 سنين، واشتغلت مسرح مع الفنان محمد صبحي من سنتين.

سبب إبتعاد جيهان قمري عن الفن

واستكملت جيهان قمري كاشفة سبب ابتعاد الوسط الفني عنها، قائلة: عشان أنا مش مزيفة، ومبعرفش أقول لحد أنت حلو وحبيبي وأخده بالحضن، ومعرفش أقول لحد أنت عامل حاجة حلوة من ورا قلبي ، شخصية صريحة وبديك في وشك زي ما بيقولوا، بقالي 20 سنة في الوسط الفني عمري ما زعلت حد، بخلص شغلي وبمشي على طول جيهان قمري الممثلة انتهت في الاستوديو.

وأشارت جيهان قمري إلى أن لديها جميع أرقام الفنانين ولكنها لم تتصل يومًا بأحد لطلب عمل، قائلة: عمري ما اتصلت بحد وطلبت منه شغل، الفن دلوقت كله شلالية وكل شلة بتشتغل مع بعض على طول، وفي ناس بتعمل أدوار صغيرة وبتظهر في كذا عمل، ولكن أنا معرفش أعمل ده لأني مش كده، ودايما طول عمري المخرج أو المؤلف اللي بيشوفوني في الدور بيبعتولي'.