ليلى علوي تكشف تفاصيل تعرضها للخيانة: لم أندم على الطلاق

حلت الفنانة ليلى علوي ضيفة في برنامج «كلمة أخيرة» الذي تُقدمه الإعلامية لميس الحديدي، عبر شاشة «on»، مساء الأحد، وكشفت عن تفاصيل تعرضها للخيانة.

قالت الفنانة ليلي علوي، إنها تعرضت للخيانة، ولم تتمكن من مسامحة الشخص الذي خانها، موضحة أن هذه الخيانة قضت على الثقة، وختمت هذه العلاقة بأن قالت له «باي باي».

وأضافت ليلى علوي: أن الثقة والاحترام أساس أي علاقة ليكتمل الحب، مؤكدة أنها لا تسامح أبدا في الخيانة.

وأوضحت ليلى علوي، أنها لم تندم على قرارها في الطلاق في زيجاتها، وبمناسبة فيلمها الأخير، تحدثت عن رأيها في فكرة «شوجر دادي، وهل يمكن أن يكون هناك «شوجر مامي»، قائلة إن المجتمع الشرقي يتقبل فقط «الشوجر دادي».

وتابعت: «المجتمع شرقي وبيدي كل الحقوق للرجل وعايز ياخد من المرأة حقوقها، ولكن أنا ضد الكلام ده».

تصريحات ليلي علوي

قالت ليلى علوي: 'شايفة أن ثقافة الناس دلوقتي في تقبل الأعمال الفنية الجريئة أفضل من 10 سنين مضوا، وأعتقد أن فيلم بحب السيما لو اتعرض دلوقتي الرقابة المجتمعية هتقبله ومش هيبقى فيه رفض'.

وأشارت: 'المجتمع بقى مجهد جدا دلوقتي والناس ماشية في الشارع متنحة وبحس ان الهم مسيطر علي الناس'.

وتابعت ليلى علوي:'الناس بقوا مهمومين مستقبلهم ومستقبل تربية ورعاية ابنائهم جدا دلوقتي، والنصوص الفنية والدرامية بقت قشرة ومبتغوصش في أحوال وظروف الناس والمجتمع ومشاكلهم وأحوالهم، وعلشان كده انا قررت مكملش في الدراما واروح ناحية السينما تاني'.

قالت علوي: 'بيحصل كتير إن الرقابة بتشيل مشاهد كتير حتى من الأفلام الكوميدية، أنا عملت كوميدي كتير ولكن بيوحشني التنوع'.

وتابعت: 'أنا قررت السنة دي مشتغلش دراما خالص واهتم بالسينما ويمكن علشان أنا متوفقتش بالدراما وأنا مش عايزة اشتغل الـ30 حلقة خالص والسينما مريحة عن التليفزيون'.

وتابعت ليلى علوي: 'أنا زهقت من التمثيل بسبب شغل الـ30 حلقة في المسلسل، يعني أنا مثلا النهاردة اشتغلت من 7 الصبح وخلصت 7 بالليل وساعات بنشتغل الـ24 ساعة وأحيانا بعيط من التعب والإجهاد وبتصعب عليا نفسي وبقاوم وأجاهد علشان اطلع نتيجة كويسة'.