نبيل الحلفاوي ينشر قصيدة من تأليفه عمرها 36 سنة

نشر الفنان نبيل الحلفاوي لجمهوره ومتابعي حسابه الشخصي على موقع التدوينات القصيرة تويتر، قصيدة ألفها منذ 36 سنة، تحمل عنوان: نادية.

وكتب نبيل الحلفاوي عبر تويتر قائلا: 'طيب.. لقيت حل عشان نكمل الحكاية، وفي نفس الوقت ما نفقدش الجو الرومانسي، هنشر لكم قصيدة بالعامية كتبتها، عام 87 القصيدة اسمها نادية'.

قصيدة نادية للفنان نبيل الحلفاوي

وتقول القصيدة

'أول مرة أحب فيها

كنت يادوب بتم عشرة

والإسم نادية

وكتبت عنها

نادية يا نادية

ياوردة هادية

وامي قريتها

وكانت حكاية

*** سنتين يعدوا

وجتلى أخت

سميتها نادية

***

وتفوت سنين

وسنين وراها

سنين تشيل

وسنين تحط

قلبى يميل

يرجع يكت

ياما عرفت

وياما شفت

والبحر يقلب والدفة تفلت

والبوصلة تاهت

لحد عينى فى يوم ما شافت

عالبر جنة

***

الجنة قالت

الإسم نادية

ومش حاطول فى كلام كتير

عن حب هايل مالوش نظير

عن عش ياما وصفوة ف أغانى

عن طيف ملاك فى شكل واحدة

والإسم نادية

أصل الكلام دا من كتر قولته

أصبح رخيص مالهش لازمة

أنا بس نفسى أقوم بخدمة

يمكن تساعد فى فك أزمة

أكشف حقايق عكس اللى شايعة

أصل القدام قالوا كلام

ماهوش تمام المية مية

إسمع وصدق حاجات جديدة

ألا وهية:

إن الغـرام .. ماهوش عـذاب وان السعادة.. ماهيش سـراب

وان الجواز ..

ماهوش نهايهة للحكاية

وان الخناق ..

مش بند لأزم فى الاتفاق

وان الصراحة غير الوقاحة

وان الأصالـة غير الندالـة

وفيه بنات غير البنات

وان الكلام ده

ماهوش قصايد للأغنيات

لكن حقيقة .. حلوة ورقيقة

والإسم ناديـة