أعربت الفنانة برلنتي عامر عن خوفها من تهديدات زوجها الفنان سعد الصغير، وكشفها عن ارساله رجال تحت منزلها على حد قولها.
وقالت برلنتي عامر عبر حسابها الشخصي على موقع التواصل الاجتماعي فيسبوك: طيب أنا اتصرف ازاي دلوقتي أنا قاعدة في الشارع سعد البتاع ده جننه أولًا أنا طالبة من مباحث الانترنت تقول متصورة من تليفون مين ومبعوتالي وفي فيديوهات علشان تصرفات سعد بقت غريبة من بعد ما خد المخدرات دي'.
وتابعت برلنتي عامر قائلة: بيقولي بليل لو روحتي عملتي محضر مش هخرجك من القسم و هحبسك ومن ساعة باعتلي ناس عند البيت اتصرف ازاي.
يشار إلى أن برلنتي عامر، كشف في وقتا سابق حقيقة انفصالها عن سعد الصغير ، وقالت عبر لقائها مع برنامج قعدة ستات، الذي تقدمه الإعلامية مروة صبري على شاشة القاهرة اليوم: 'اكتشفت خيانة سعد، لأننا منزلين أبلكيشن عند بعض وبنشوف كل يوم بشوف بيروح فين، ولقيته في مكان في حدائق الأهرام، وعرفت أنه بيقابل واحدة معرفة، ولكن مش صاحبتي، وقابلتني من 3 سنين قالتلي هخطف منك سعد، ومزهقتش وفضلت وراه، ولما عرفت كلمتها اتصدمت في سعد نفسه إزاي يعمل كدا وهو من 3 سنين كان بيشتم عليها وعملها بلوك'.
وتابعت برلنتي عامر حديثها قائلة:'الناس مش طمعانة في سعد الصغير عشانه هو لا عشان برلنتي أنا، اللي خطفته مش حطاه في دماغها، لكن هي شايفة سعد معاه فلوس بس، رغم أنه 53 سنة، ولكن هي طمعانة فيه حتى بعد عيد ميلادي اللي عملهولي، هي عايزة تتشهر وتطلع معاه في كليبات ومكنتش أعرف إن سعد يعمل كدا وينزل مستواه».
وأوضحت برلنتي عامر أنها لم تنفصل عن زوجها سعد الصغير، معلقة: 'متطلقناش رسمي، وأنا كتبت على فيس بوك انفصال، ولكن هو ماعلنش، ومش راضي يطلقني، وعرفت حاجات صعبة بعد ما أعلنت انفصالنا، سعد الصغير اللي اتشهر بسببي واشتغل كتير بعد ما أتجوزني، ولكن إما اتجوزنا قالي رجعتي سعد الصغير لمجده تاني'.
تابعوا آخر أهل مصر على Google News
