جوري بكر تنتقد أسعار الساحل: ساندوتش البرجر بقي بـ375 جنيه

عبر جوري بكر عن غضبها الشديد من ارتفاع الأسعار في مدينة الساحل الشمالي، ولم تكن هذة المرة الأولى التي تعبر فيها جوري عن استيائها بسبب الأسعار.

وكتبت جوري بكر منشورًا عبر خاصية استوري على حسابها الشخصي بموقع تبادل الصور والفيديوهات الشهير انستجرام، وجاء فيه: الموضوع كبر وكويس إني فتحت عين الناس على حاجات كتير بتحصل، كان بالنسبالي الموضوع مش هزار على فكرة، أنا كنت بتكلم بجد انا برضو إنسانة طبيعية زي أي حد، بتعب أنا وجوزي ومتغربين عشان نعيش عيشة كريمة لينا ولأولادنا.

جوري بكر

وأضافت جوري بكر: بنتعب عشان نجيب فلوس، والناس اللي مفكرة أننا بناخد ملايين، أنا أدفع براحتي لكن ليه أحس إني بتسرق، واللي بتنقدني وبتقول إيه يا فنانة ما تدفعي ولو معكيش متروحيش، لأ مش هدفع أنا إزازة مياه بالسعر ده ولا ساندويتش برجر بـ 375 جنيها ولا قهوة وعلى فكره دي مش مياه بس ده أكل وشرب ولبس ارحموا من في الأرض يرحمكم من في السماء.

وواصلت: فين حماية المستهلك في أسعار بعض الأماكن اللي في الساحل، الناس نفسها تنبسط في ناس تانية عايشة على قفا ناس تانية والهبل كتير.

واختتمت جوري بكر: بلدنا جميلة والأماكن جميلة.. أنا بحب كل مكان في البلد دي، وناس كتير تشهد من إسكندرية، شرم، جونة، غردقة، ساحل، أنا بس بكره الاستغلال، وللأسف معظم اللي حوالينا بقوا وحشين وجشع وطمع وقرف، أنا بقول حقائق وربنا يكون في عون الجميع.