ناقد فني: أغنية شهيرة تسببت في طلاق مريم فخر الدين وفهد بلان

تحدث الناقد الفني الهامي سمير عن كواليس طلاق الفنانة مريم فخر الدين والمطرب فهد بلان.

وكتب الهامي سمير عبر حسابه الشخصي بفيس بوك:' عارفين أغنية 'واشرح لها' بتاعة فهد بلان ؟؟ أهى دى كانت سبب طلاق مريم فخر الدين، الست مريم لما اتجوزت فهد عاشوا مع بعض الفترة الاولى من الجواز فى سعادة وهنا، لكن بعد الفترة دى جات بنتها ايمان من جوزها الاولانى محمود ذو الفقار تعيش معاها، وشوية وجه ابنها محمد من جوزها التانى الدكتور عبدالحميد الطويل يعيش معاها'.

واضاف:'فى الوقت ده اتوترت الأجواء واتكهربت لحد ما فى يوم رجعت ايمان من المدرسة بتعيط مالك يا ايمان ؟ قالت لها يا مامى البنات فى المدرسة كل ما يشوفونى يقولوا لى 'واشرح لها' وفضلت تعيط وفهمت مريم من كلام بنتها انها بتكره فهد وانها نقلت عدوى الكراهية دى لاخوها محمد والاتنين خيروها يا اما احنا يا اما فهد'.

وتابع الهامي سمير:'فضلت مريم فترة تفكر واخيرا خدت قرارها اللى قالت عنه : بالطبع رجحت كفة أولادي، رغم أن فهد لم يكن له أي ذنب، وشرحت له الموقف بكل صراحة، وكان فهد كريما، واستجاب لطلبي، وطلقني، رغم أنه كان يحبني، وكنت أحبه'.