كشف أحمد ثروت نجل الفنان محمد ثروت عن شفائه واستجابته للعلاج، وذلك بعد نحو 160 يوما من إصابته بمرض نادر في الجهاز العصبي هو متلازمة 'ميلر فيشر'، حيث سافر على أثر ذلك للعلاج في ألمانيا.
وشارك نجل محمد ثروت مقطع فيديو، عبر حسابه على إنستجرام، قائلا: 'الحمد لله كرم من ربنا وبفضل دعواتكم النهاردة بعد 160 يومًا صراع مع متلازمة ميلر فيشر، أول يوم انجح اني اقف تاني علي رجلي بعد عشارت الاسابيع ومئات المحاولات'.
وأضاف نجل محمد ثرون: 'اتعلمت كتير من اختبار ربنا ليا، اتعلمت الرضا والحمد علي كل حال وان ستر ربنا علينا فوق كل شيء ومدي تحملك بيجي معاه كرمه ليك فالاخر وانه مش هيخذلك طول مانت مسلم امرك وان عادي ممكن ابتدي تاني كل حاجة من الاول وان لسه في امل طول ما في حياة'.
وأردف أحمد ثروت: 'ربنا الهمني في اول الإصابة اني اوثق الاختبار دة من اول يوم حتي الان، ودة عشان اول ما اقوم ان شاء الله اتمني اكون سبب ف التوعيه لمثل هذه الامراض النادرة وازاي لو لقدر الله اتصابت انت بيها او حد قريب منك تتعامل معاه ازاي لأن جزء كبير من التعافي هو الحالة النفسية للمصاب'.
نجل الفنان محمد ثروت
وأكمل: 'حابب اقول حاجة من قلبي بجد، الكرم الي ربنا كرمني بيه دة نور لي حاجات كتيرة، خلاني اقعد مع نفسي اقيمها وعرفني قيمة نعمة نعمة هو مديهالي زي اني ادخل الحمام لوحدي او اعرف اكل لوحدي او امشي خطوة او حتي اتحكم ف جسمي والي معظم الناس ماتعرفوش اني كنت فقدت بصري لاسابيع ف عيني اليسري وفقدت القدرة علي التحكم فالكلام لاكثر من شهر'.
وواصل نجل محمد ثروت: 'وكل يوم كنت بسأل نفسي وانا في ظروف دي لو ربنا افتكرني هو انا قدمت ايه لكل الي حواليا؟!…و وصلت دلوقتي ان بقي عندي هدف اكبر من اني انجح او اشتغل لنفسي بس، خلي عندي احساس بحاجات قيمتها لما دخلت فيها وحسيت بيها زي مثلاً واحد جالة المرض الي صابني ومش عارف وفاكر ان عنده مرض تاني وتوفي عشان عنصر الوقت لم يسعفه او مريض تاني عرف التشخيص ومعهوش فلوس العلاج نظراً ان العلاج بتاع الامراض المناعية زي حقن الاجسام المضادة غالية جداً'.
واضاف أحمد ثروت: 'إن شاء الله قريباً جداً هقول عن حاجة شغال عليها هتخفف المعاناه عن اي حد محتاج مسانده او مساعده ويارب ربني يقدرني وماشوفش حد يدخل ف اختبار زي الي انا مريت بيه..أخيرا حابب اشكر كل واحد دعالي من قلبه وكل صحابي واهلي الي كان حبهم ليا من اسباب اني اقف تاني علي رجلي بعد ستر و توفيق ربنا'
تابعوا آخر أهل مصر على Google News
