رد الفنان نبيل الحلفاوي على اتهام سيدة له بانعدام الإحساس.. وتعليقات غاضبة من المتابعين

وجهت متابعة للفنان نبيل الحلفاوي، عبر موقع التدوينات القصيرة تويتر، انتقادات حادة له اتهمته فيها بعدم الشعور بالآخرين.

وكتبت المتابعة لنبيل الحلفاوي: 'يا أستاذ نبيل حضرتك متعرفش يعني إيه درجة حرارة 50، متعرفش يعني إيه جيرانك يكون عندهم أطفال سن سنتين قاعدين لحد الساعة تلاتة الفجر بيصرخوا من الحر، متعرفش مريض يعني لازم يعيش بدرجة حرارة معينة، او مريض حساسية، أو حد بياخد جلسة أوكسجين والكهربا تقطع يعني كارثة'.

نبيل الحلفاوي يدافع عن نفسه

ورد نبيل الحلفاوي على السيدة قائلا: 'مين قالك؟.. حضرتك اللي متعرفيش عن غيرك كل حاجة'.

وبعد رد الحلفاوي انتقده آخرون في التعليقات، فمنهم من قال له: 'رد غير مناسب من حضرتك بصراحة'، وقال آخر: 'أرجو ألا تتضايق من هذه المتألمة من درجات الحرارة الرهيبة، التي لم يعد لدينا قدرة على تحملها، فما بالك بأطفال صغار.. تحياتي لشخصكم الكريم'.

ووجه آخر رسالة إليه قائلا: 'رد لا يليق ممكن بكل سهولة توضحلها إنك عارف كل دا، أول مرة اختلف معك'.

وقال له متابع آخر: 'أنت مستحيل تكون نبيل الحلفاوي؟ حضرتك دي بتستغيث، ودي حقيقة كل كلامها، وأنت حتى مظهرش منك أي تعاطف حتى.. الشكوى لغير الله مذلة، بس عايز أعرفك حاجة، أنا نفسي عندي ولدين واحد 3 سنين، وواحد 9 شهور قاعد فالدور الخامس، أربع حيطان وسقف منهم للشمس.. محلتيش غير مروحتين'.