محمد هنيدي يُشيد بالمخرج سعيد حامد قبل عرض فيلم «مرعي البريمو»

أشاد الفنان محمد هنيدي بالمخرج سعيد حامد، قبل طرح فيلمهما الجديد في دور العرض السينمائي يوم 2 أغسطس المقبل.

وكتب هنيدي قائلًا:'المخرج الكبير سعيد حامد صاحب مجموعة من أهم الأفلام في تاريخ السينما العربية، صعيدي في الجامعة الأمريكية، همام في امستردام، شورت وقاتله وكاب، جائنا البيان التالي، غيرها من الأفلام الناجحة اللي كانت السبب في عودة الروح للسينما المصرية و فتحت طريق أمام فنانين شباب أصبحوا دلوقتي أهم نجوم الفن في الوطن العربي'.

هنيدي يشيد بسعيد حامد

وتابع:'سعيد حامد كان السبب الأساسي في تحويل الصوت في مصر من نظام الصوت المونو إلى نظام الصوت المحيطي دولبي 5.1 واصر في الفترة دي أنه يدخل التقنيه دي مصر رغم الصعوبات وقلة الأمكانيات كان بيقدر يوفر جزء من ميزانية الفيلم للأرتقاء بشريط الصوت و السفر الى أوروبا عشان يقدر ينفذ المراحل النهائية لشريط الصوت بتقنية الدولبي 5.1'.

وأضاف محمد هنيدي:'النهاردة و بعد أكتر من ٢٠ سنة بيرجع سعيد حامد بفيلم جديد مرعي البريمو، عشان يقرر ينقل الصوت في مصر من تقنيه 5.1 إلى تقنية الدولبي اتموس المذهلة اللي بتوفر للمشاهد تجربة صوتية غير مسبوقة بتخليه يشعر وكانه جزء من العمل الفني ..تحيه كبيرة للفنان الرائع سعيد حامد'.