أورتيجا في تصريحات نارية: إحنا هارشين إن عمرو مصطفى بينحت ألحان

حل المطرب الشعبي أورتيجا ضيفًا على برنامج 'سبوت لايت' مع الإعلامية شيرين سليمان المذاع عبر قناة صدى البلد، وتحدث عن اتهام عمرو مصطفى لـ مطربي المهرجانات بسرقة الألحان.

وقال: 'إحنا ناس فاهمين ودارسين وصناع مزيكا، وناس كبيرة في الوسط الفني بنعمل لها توزيع ولحن وكلمات وميكس وماستر، والأغاني بتحقق ملايين زي أغانيه'.

وأضاف: 'لو حد سرق منك أغنية ارفع عليه قضية واتكلم عنه، مش تقول كل الناس نجحت بالسرقة'.

وتابع: 'كلها بتسرق، وحتى عمرو مصطفى بينحت ألحان، بيسمع لحن من حتة معينة ويكمل، وإحنا هارشين وفاهمين'.

تصريحات أورتيجا عن ملابسه

أوضح أورتيجا على أنه كان يعمل 'ترزي'، ويعتمد في ملابسه على تعديلها، وأكد على أنه لا يزال يقوم بشراء ملابسه من الوكالة حتى الآن.

وقال أورتيجا خلال لقائه مع الإعلامية شيرين سليمان ببرنامج 'سبوت لايت' المذاع عبر قناة صدى البلد: 'أنا أكثر واحد في العالم لبس من الوكالة، أنا ترزي وعندي مكنة خياطة في البيت، بشتري حاجات من الوكالة مستوردة ومش موجودة في المحلات، وأعمل فيها اللي أنا عايزه وأمشي مفيش حد لابس شبهي'.

وردا على سؤال هل فكر في إطلاق خط أزياء يحمل اسمه، قال أورتيجا: 'حلم حياتي، أنا عبقري وأعرف ارسم كويس وأصمم موديلات، والمشروع كان في حساباتي من زمان'.