حسن عبد الفتاح: أنا بطل في ملعبي وبحب أشتغل في الخليج فلوسهم حلوة

كشف الفنان حسن عبد الفتاح عن سبب حبه للأدوار الثانية قائلا:' أنا مخدتش بطولة ولا اتعرضت عليا بس أنا بحب أبقى جنب البطل ده ملعبي أنا بطل في ملعبي ، ممكن أعمل بطولة وممكن ميعديش هقعد اكتئب وأرجع تاني أعمل الدور التاني، زي بعض الزملاء عملوا ده ورجعوا يعملو الأدوار التانية زي مثلا الأستاذ محمد لطفي عمل عبده مواسم كان بطولة وبعدين موفقش فرجع تاني وكمان الأستاذ ماجد الكدواني علشان كده مش عايز أخوض التجربة.

حسن عبد الفتاح: بحب أشتغل برة مع نجوم الوطن العربي

وتحدث عن قلة الفرص في مصر خلال حواره مع الإعلامية انجي هشام في برنامج المنسي عبر قناة هي :' بحب السفر بره لكن هنا فين وفين لحد ما يبعتلك حاجة لكن بره باخد دور وبمثل مع نجوم الوطن العربي من كل بلد ممثل.

وتابع :' بحب السفر وبحب التمثيل بره كسينما وكمسرح وكمسلسلات لسا مخلص مسلسل في أبو ظبي عملت فيه ٤ أو خمس مشاهد، بحب السفر كتعامل جميل وكفلوس.