العري تخلف فكري.. شيماء سيف تفتح النار على مايوهات الصيف

هاجمت الفنانة شيماء سيف، عبر حسابها الرسمي بموقع تبادل الصور والفيديوهات الشهير إنستجرام، مايوهات الصيف، بعد أن انتشرت بشكل واسع في الفترة الأخيرة.

وكتبت شيماء سيف عبر حسابها الشخصي على إنستجرام: 'خلاص الصيف بيخلص لكن للأسف آثاره مكملة، طول عمرنا بنطلع على البحر ونشوف أشكال وألوان مايوهات.. لكن السنة دي العري فاق الوصف.. المايوه بقي يتلبس في كل مكان مش على البحر بس.. توب المايوه اللي في نظري جزء من الملابس الداخلية، ودا أكثر وصف مؤدب أقدر أقوله'.

وأضافت شيماء سيف: 'توب المايوه بقى اللبس الرسمي للبنات، وفوقه كاش مايوه بيبين أكثر ما بيستر.. هي البنات دي ما لهاش أب أو زوج أو أخ قلبهم ياكلهم عليهم، والدم يجري في عروقهم؟؟؟ فين نخوة الرجالة.. فين حياء البنات.. والمصيبة أن كل الأعمار وكل الأحجام مش بتفرق، الموضوع زاد أووووي تحت مظلة إنه بلاش body shaming، وكلام فاضي، فين الحياء، الـbody دا المفروض نحافظ عليه مش نمتع غيرنا بيه.. الغلط غلط ولو كل الناس عملوه.. الغلط غلط ولو أصبح عادة الكل.. حفضل أقول دا غلط حتى لوكنت لوحدي اللي بقول'.

وتابعت شيماء سيف: 'العري مظهر من مظاهر التخلف الفكري، واللي فاكر أنه تحضر ماشي وراء القطيع بدون وعي.. فين الحياء والعفة والخجل والخصوصية؟.. بالنسبة للي عنده أولاد صغيرين وبيسألوا هي ليه البنت دي لابسة كدا، كل شيء بقى مباح للناس كلها؟ ربنا يستر علينا جميعا ويهدي البنات والأولاد، ويشوفوا الغلط غلط مهما كتر.. ربنا أرنا الحق حقا وارزقنا اتباعه، وأرنا الباطل باطلا وجنبنا اتباعه'.