نرمين زعزع: «الكلمة البايخة بتجبلي اكتئاب»

تحدثت الفنانة نرمين زعزع، عن علاقتها بالسوشيال ميديا، مؤكدة أن علاقتها بها تكاد تكون صفر ومنعدمة بسبب ما وصل إليه رواد تلك المواقع من سلوك سلبي.

وقالت نرمين زعزع في تصريح لـ 'أهل مصر':'علاقتي بالسوشيال ميديا تكاد تكون صفر الناس، بقت صعبة أوي، أنا بقيت بخاف، ولو حد متابعني على السوشيال هيعرف أني كل فين وفين لما ممكن أنزل صورة في مثلا مناسبة عيد جوازي أو لولادي كدا، لكن أني أنزل طول الوقت لا، أنا عارفة أن ده غلط كبير'.

الفنانة نرمين زعزع

وتابعت:"الناس بقت بتدي لنفسها حقوق تشتم وتسيء، وأنا واحدة من الناس لو حد قالي كلمة بايخة ممكن يجيلي اكتئاب وأقعد أعيط، أنا من النوع ده، وبقيت بحس أن الناس بتتنمر على بعض بشكل غير طبيعي، أنا ممكن لو اتشتمت أروح لدكتور نفساني، لا لا أنا اقل كلمة بتأثر فيا".