زلزال المغرب المدمر.. الفنانة المغربية هدى مجد: «نزلنا بالبيجامات في الشارع»

كشفت الفنانة المغربية هدى مجد، كواليس زلزال المغرب المدمر الذي حدث أول أمس وراح فيه مئات البشر.

وقالت هدى مجد خلال حلقة استثنائية، قدمتها قناة 'هي'، تضامنا مع ضحايا الزلزال، من تقديم الإعلامية سارة نخلة، وفرح شعبان، ومروة عزام، : 'الأوضاع مش حلوة خالص إحنا كشعب مغربي مش متعودين على الكوارث الطبيعية ولا الحروب ربنا أنعم علينا بالأمن والأمان فدي كانت صدمة لينا كلنا ولما حصل الزلزال حسينا بيه في كزابلانكا، في عائلات كلها توفت وناس لحد دلوقتي تحت الأنقاض ربنا يجبر بخاطرنا وبخاطرهم كلهم والجو كئيب جدا في الشارع'.

هدى مجد تشكر الرئيس السيسي وشركات الاتصالات

واستكملت هدى مجد: من خلالكم أحب أشكر كل الناس ومصر والسيسي وشكرا شركات الاتصالات اللي أتاحت للمغاربة يتواصلوا مع أهلهم ببلاش أنا شايفة مبادرات حلوة بتثلج الصدر ونتمنى نكون إيد واحدة وهنا الناس بيتبرعوا بالدم.

كما روت كواليس تعرضها للزلزال وماحدث لها حينها: أنا حضرت كل ده شخصيا ونزلنا بالبيجامات في الشارع نزلنا على السلم الشارع كله فيه ناس كلنا لحد 3 الصبح بالبيجامات في الشارع منمتش بقالي يومين خايفة حاجة تحصل واللي حصل في كازبلانكا أقل من اللي بيحصل في مراكش ربنا يلطف بينا والحمد لله على كل حاجة.