نجل الفنان محمد ثروت: ‎أحلى لحظة في حياتي أشوف أبويا سعيد تاني

‎حرص المطرب أحمد ثروت، نجل الفنان الكبير محمد ثروت على توجيه الشكر، لصناع حفل والده أمس في السعودية، ولصناع أغنية أبن أبويا.

ونشر أحمد ثروت عبر حسابه على فيسبوك قائلا: '‎وَكَانَ فَضْلُ اللَّهِ عَلَيْكَ عَظِيمًا، ‎أحلى لحظة في حياتي إني أشوف أبويا سعيد تاني، بعد معاناته معايا أثناء مرضي الـ8 أشهر اللي فاتوا، واللحظة دي في ناس جميلة كانوا سبب أنها تتحقق وتطلع بالحلاوة دي، وهما صناع الأغنية إخواتي وحبايبي طبعا، اللي في دقايق لقيت منهم كل المساعدة والحب أن القصة دي تترتب'.

وأضاف: 'أولهم إخواتي الغالين المنتجين طارق الجنايني، وأحمد الجنايني وأختي وحبيبتي صاحبة الكلمات القوية دي منه عدلي القيعي، وطبعا أخويا والحان حبيبي اللي كان كل يوم معايا بنعمل بروفات قبل سفري عشان أعرف أغني في ظروف مرضي دي العظيم إيهاب عبد الواحد، ‎بجد بشكركم من قلبي'.

وتابع نجل محمد ثروت: '‎وفعلا من قلبي بشكر معالي المستشار تركي آل الشيخ على ترتيب هذه الفكرة الجميلة، اللي لمستنا كلنا وأخويا الكبير المايسترو العظيم الدكتور هاني فرحات والمنتج الأسطوري عمي الأستاذ محسن جابر ومحمد جابر أخويا وكل فريق عمل شرك بنش مارك العظيم على رأسهم عمو زكي.