رباب ممتاز تهاجم أحد نجوم مسلسل سفاح الجيزة: أكيد نجاحاتي أهم من نجاحك

انتقدت الفنانة رباب ممتاز مسلسل سفاح الجيزة، وذلك عبر حسابها الشخصي على موقع فيس بوك.

وكتبت رباب ممتاز: 'أنت متعرفتيش طبعا، متعرفتيش ومتعرفش مين رباب ممتاز، مين دي معرفهاش، ليك حق لأن أصلا أنا معرفكش ولما بشتغل بشتغل مع كتاب كبار مهمين ومؤلفين فعلا، وعلى رأسهم الأستاذ أسامة أنور عكاشة، والأستاذ عبد الرحيم كمال، والأستاذة مريم نعوم، والأستاذة سماح الحريري، وكبار الشغلانة، وأنا آسفة لو نسيت حد من كبار المؤلفين المهمين الناجحين'.

وتابعت: 'كفاية عليا دول يعرفوني، تقدر تخش على جوجل، أكيد نجاحاتي أهم من نجاحك أكيد، دا لو عندك نجاحات أصلا، وأنا فعلا معرفكش لأني بشتغل في حاجات مهمة وكبيرة مش قايمة على التريند فقط'.

وعن مسلسل سفاح الجيزة قالت رباب ممتاز: 'طب أهو المسلسل وحش وحش وحش وواخد ضجة على الفاضي، طب أهو وحش وحش وحش ومفيش ورق أصلا، وحش وحش، وبلاش شغل السفاحين دا معايا أنا خط أحمر، كنت قفلت الحوار في الموضوع دا، اللي يدق الباب يلاقي الجواب، وإذا عدتم عدنا، أنا مش هحاسب على مشاريب، الوطن العربي معظمه قال المسلسل وحش، بلاش تكمل في التريند السخيف دا اللي بقي بلا طعم'.