سارة نخلة: «لايفات الفنانات على التيك توك شحاتة وإهانة للفن».. وفادي خفاجة قهرني

علقت الإعلامية سارة نخلة على ظاهرة توجه بعض الفنانين والفنانات 'للايفات' البث المباشر على منصة تيك توك والتي أثارت جدل الجمهور على السوشيال ميديا.

قالت سارة نخلة خلال برنامجها فيس أوف والذي يعرض على قناة هي : 'تريند فادي خفاجة جرحني أنا شخصيا لأنه شاب قضى حياته بالمعهد العالي للفنون المسرحية ومن وهو صغير بيمثل وشاطر جدا ولكن من فترة طلع بفيديو على تيك توك البرنامج اللي بقى ليه مشاهير محددين وفي فنانين كتير بقوا يعملوا فيديوهات عليه عشان الفلوس'.

وتابعت سارة نخلة: 'وفادي زيه زي أي فنان دخل على تيكتوك عشان بيشتكي إنه مفيش شغل وحقيقي قهرني ووجعلي قلبي، والفيديو مؤلم جدا وأنا مش هعرضه تاني لأنه عمل كدة في لحظة غضب وإنكار، في ناس زيه معندهمش شغل ولا أعمال واضطروا يعملوا فيديوهات على تيكتوك، أصل بياعين الخضار والفاكهة أو بيطبخوا في أوضة النوم بيفتحوا تيك توك ومن تفاهة المحتوى اللي بيتقدم بيتشهروا'.

وأضافت: 'في فنانات كتير بيشتغلوا وبيجيلهم فلوس لكن بيفتحوا لايفات التيكتوك بمبدأ البحر يحب الزيادة وبطريقة أقرب للشحاته انتوا مش شايفين إن دي إهانة لنفسكم قبل ما تكون دي إهانة للفن'.

برنامج 'FACE OFF' تقدمه الإعلامية سارة نخلة على شاشة قناة هي يوميًا من السبت إلى الإثنين وتستضيف من خلاله عددا من نجوم الفن وتناقش القضايا المطروحة يوميًا بين الجمهور.