حاتم صلاح يكشف مفاجأة:" أهلي صعايدة هربوا إلى الإسكندرية عشان عليهم تار"

كشف الفنان حاتم صلاح بعض الأسرار في حياته، إذ أوضح أن أسرته سافرت من الصعيد إلى الاسكندرية، بسبب الثأر، هذا بجانب مروره بالعديد من الصعوبات في حياته، منها تعرضه لبعض الإهانة والمواقف الحرجة التي مر بها، من أجل الدخول في عالم التمثيل.

وتحدث حاتم صلاح عن بدايته في الوسط الفني، إذ قال خلال لقائها مع الإعلامي تامر شلتوت، في برنامج" In Deep في العمق"، المذاع عبر قناته الرسمية بموقع الفيديوهات الشهير يوتيوب: "في فترة طفولتي المصيف بالنسبة لنا كان اسكندرية، لأن أهل أمي صعايدة عليه تار، فكنا بنروحلهم اسكندرية دائمًا".

وأضاف: "مريت بصعوبات كتير منها مرة منتج فني عايز يعملي عقد عمل برقم أقل، فلما اتكلمنا قال ما أحنا هنأكله كمان، وفي مسلسل تاني مشيت منه، رغم أنه كان فرصة مهمة بالنسبة لي، لأني مكنتش عارف أخد الورق كامل، بيدوني المشاهد قبل التصوير، ومكنوش عايزين يفهموني أن دوري كبير عشان الفلوس، وصلت لدرجة أنهم بيخبوا الورق في التلاجة".

وتابع: " اشتغلت بمجهودي وبعت حاجات كتير، أفضل ما أروح أستلف فلوس، عشان محدش يهني، مكنش عندي حاجة اخسرها ومكنتش عايز حد يقولي كلمة تضايقني حتى من أهلي".