محمود العسيلي يدين القصف الغاشم على مستشفى المعمداني

أعرب المطرب محمود العسيلي عن غضبه واستيائه مما حدث أمس من قصف لمستشفى المعمداني بقطاع غزة والذي أسفر عن وفاة 1000 شهيد أكثرهم نساء وأطفال أبرياء، داعيا لأهل غزة بالرحمة والمغفرة للأحياء والأموات.

محمود العسيلي

محمود العسيلي عبر أنستجرام

وقال المطرب محمود العسيلي عبر حسابة الرسمي بموقع تبادل الصور الفيديوهات أنستجرام : ''أنا مش عارف أبكي على أيه ولا أيه ولا أيه، أبكي على شعب غزة اللي محاصر مش عارف يروح فين .. إسرائيل.. محتليه .. بيقتلوا ويديحوا فيه زي العاب الفيديو احتلال غاشم شايفهم زومبيز، أو حيوانات بشرية''.

وتابع قائلا : '' شعب محاصر من محتليه .. و حكامه مش سائلين فيه. يتاخد في الرجلين مش مهم يموت مش مهم ، يجوع مش مهم بس لازم يصمد و يستحمل حتى و هو عايش ميت '' .

واستكمل : '' ولا أبكي على عالم أعمى يبان رقیق و متحضر بيدافع بس عن حقوق الإنسان اللي على مزاج سعادته !!! عالم بيخاف على درفيل ولا حوت مهددين بالانقراض بس لو شعب بيتباد زي الفران معدنوش مشكلة. عالم منافق السياسة و المصالح نهشت لحمه عنده مبرر لكل شيء طول ما الموضوع على كيف جنابه ابكي على التعصب والجهل اللي سيطر على البني آدمين ونسيوا ان كلهم ولاد آدم و حوا ''.

اختتم: '' بس في الآخر مش هابكي عشان في رب كريم شايف وعارف اللي بيحصل و كله بإرادته و مشيئته وكل اللي نقدر عليه هو الدعاء ليه والشكوة.. و نقوله اللهم ارحم ضعفنا وقلة حيلتنا .. اللهم إنا مغلوبون فانتصر .. انت حسبنا ونعم الوكيل اللهم ارحم اهل غزة الأحياء منهم والاموات و افرج عليهم و انصرهم يا رب من أوسع ابوابك انك السميع العليم''.