أعربت الفنانة ميسرة عن غضبها من الفنان بيومي فؤاد بعد مهاجمته الفنان محمد سلام عقب إنتهاء عرض مسرحية «زواج اصطناعي» في إطار فعاليات موسم الرياض بالسعودية، وذلك بسبب اعتذاره عن المشاركة في المسرحية بسبب ما يعانيه شعب فلسطين.
ووجهت ميسرة حديثها لبيومي فؤاد قائلة: «بتتعب ما أنت بتاخد اجر اللي أنت بتتعبه زي اي انسان بيشتغل وبياخد الأجر وبالعكس، أنت أجرك جامد جدا عن ناس كتير جدا بتتعب اضعافك ومبياخدوش تمن اللي أنت بتاخده أنت واخد شهرة ومجد وكل حاجة ايه لازمة الكلام ده أنا مش فاهمة بصراحة، بيومي فؤاد كان من النجوم اللي كنت بحب أحضر لهم بس بجد الكلمة دي ضايقتني منه جدا جدا جدا".
وأضافت ميسرة:"وبعدين انت بتزود حساسيات ليه؟، المفروض أننا كشعب عربي حاليا أننا نتحد كلنا ونبقى حاجة واحدة وأحنا والسعودية حاجة واحدة، متجيش أنت تقوم الدنيا لأنك عارف أن فيه ناس كتير جدا مؤيدة موقف محمد سلام فأنت ليه بتعمل الحساسية دي علشان ايه؟، هي كدولة ارتبطت ارتباطات دولية في مسابقات دولية مقدرتش تعتذر عنها وكملت المهرجان وكان وقتها موضوع غزة أنت كفنان روحت تقدم مسرحية روح واسكت وحاول تهدي الجو مش تشعلل الجو اكتر».
وتابعت ميسرة: «الحاجة الوحيدة اللي أخدها على محمد سلام أنه نزل فيديو بهذا الموضوع، أنت اعتذرت يا محمد أعتذر وأنت ساكت متنزلش فيديوهات لأن ده بيعمل حساسيات زي اللي عملوا بيومي فؤاد، لكن سلام موقفه محترم واللي عايز يعمله يعمله هو ليه حرية الرأي بس بدون ما كان يطلع بهذا الفيديو».
تابعوا آخر أهل مصر على Google News
