نادية الجندي: التكريم بيحسسني إن مشواري الصعب مرحش على الفاضي

علقت الفنانة نادية الجندي على تكريمها من جانب مهرجان ضيافة بدبي بالإمارات، تقديرا لمسيرتها الفنية الكبيرة وأعمالها التي أثرت بها الفن.

وقالت نادية الجندي في لقائها ببرنامج عرب وود عن تكريمها من مهرجان ضيافة:'التكريم بيدي طاقة ايجابية للفنان أنه يستمر في العطاء و يحسسه أن مشواره الفني الصعب اللي مر بيه مرحش هباء.. والتكريم يعتبر صداه'.

A post shared by ArabWood (@arabwoodtv)

وكانت الفنانة نادية الجندي قال في كلمتها أثناء التكريم بمهرجان ضيافة: 'بشكر إدارة الإمارات وبشكر مهرجان ضيافة المهرجان المحترم اللي له تاريخ وبشكر دكتور ميشيل، الحقيقه أنا كنت مترددة أني آجي في الأول.. لما لقيت المبادرة الجميلة اللي عملها الشيخ محمد بن راشد لمساعدة اخواتنا وأطفال غزة سعدت جدًا بهذه المبادرة الإنسانية الجميلة، فـ ده اللي شجعني آجي المهرجان'.

التاريخ هيشهد على المجزرة وإبادة الأطفال الأبرياء

وأضافت نادية الجندي:'عايزة أقول إن التاريخ هيشهد على هذه المجزرة البشعة والحرب والإبادة لأطفال أبرياء والتاريخ هيشهد على موت الضمير الإنساني العالمي اللي بيتغاضى عن الحق، ولكن ربنا هينصر الحق والحق سينتصر ويرد حق الظالمين''.

وتابعت نادية الجندي: ''الفن الأول كان عبارة عن الفنان الملتزم اللي بيحب الفن اللي بيقدم رسالة وفن هادف، للأسف دلوقتي اختلف عن زمان''.