حورية فرغلي تكشف معاناتها مع الوحدة: عندي 46 سنة ونفسي أتجوز

خرجت الفنانة حورية فرغلي عن صمتها وتحدثت في فيديو لها عبر صفحتها الرسمية على موقع التواصل الاجتماعي إنستجرام عن معاناتها مع الوحدة بشكل دائم.

ونشرت حورية فيديو تحدثت خلاله عن المعاناة التي تعيشها، وقالت: ' إيه اللي الناس بتحسدني عليه، أنا قاعدة لوحدي، عندي كلب، ومعنديش صحاب، وتليفوني مبيرنش، بقرأ طول الوقت، عالآيباد طول الوقت، بنزل ألف التراك كل يوم، مبعملش أي حاجة ف حياتي'.

وأضافت: 'مامي بتجيلي بتزورني، وبروحلها أزورها، بروح لبابي، أخويا كنت قاعدة معاه في السليمانية، بس هو طيار أصلًا دايما مش موجود ومسافر، رانيا صاحبتي جدا بس مبنشوفش بعض كتير لأنها في 6 أكتوبر وأنا هنا.'

حورية فرغلي: عندي 46 سنة ونفسي أتجوز

وتابعت: ' أنا مش عارفة الناس بتحسدني على إيه، أنا عندي 46 سنة نفسي أتجوز ويكون عندي عيلة ونفسي معيشش لوحدي، وده محصلش لغاية دلوقتي، فأنا مش عارفة هما حاسدني على إيه بالظبط.'