تصدر الفنان سامح الصريطي محركات البحث على 'جوجل'، وذلك خلال حلوله كضيف مع الإعلامية إسعاد يونس، ببرنامج صاحبة السعادة، على قناة dmc، وكشف عن كواليس زواجه بالمطربة حنان.
وقال الصريطي: الحقيقة أنا حسيت في الفترة الأخيرة بدرجة قرب شديد منها، فالإحساس اللي جوايا هو جواها، بنتعامل كأصدقاء وإخوات لكن في شىء تاني بدأ يتسحب ويتسلل كده، فقلت لها مش فاضل غير إننا نتجوز.
وتابع: «أنا لاقيت الفرصة المناسبة لأني أقول الجملة دي، وهدية حزمة البقدونس جبتها عشان أقولها إني فاكر إنك بتحبي البقدونس، ومش كده وبس، كنت حاطه ورا ضهري وقدمته زي روميو.. ولما قلت هى ارتبكت، فقلت لها مترديش خالص دلوقتي، وقعدنا عادي جدًا بعدها، وبعدين سافرت ألمانيا وتعاملنا عادي كإن مفيش حاجة، ثم حسيت من خلال مفرداتها وكلامها إنها موافقة».
واستطرد أنه «كان فيه شروط أهمها أولادنا يوافقوا، فكإني طلبت إيديها من ابنها، وبمجرد ما قلت لابتهال بنتي لاقيتها فرحت جدًا، وبنتي آية كلمتها في لندن وسعدت جدًا بالخبر.. واتفقنا نعيش في هدوء بعيدا عن الأضواء، لأننا كنا خايفين من السوشيال ميديا ومن ردود أفعالها».
تابعوا آخر أهل مصر على Google News
