قال الإعلامي خالد عليش، إنّه يتعرض لابتزاز من قبل طليقته، بعدما طاردته الأخيرة بسيل من المصاريف والدعاوى كان آخرها دعوى طالبت بحبسه لامتناعه عن دفع نفقات ابنته، رغم أنه ملتزم بدفع كافة المستحقات المالية المطلوبة منه.
كتب «عليش» على حسابه الشخصي بـ «فيسبوك»: «حسبي الله ونعم الوكيل، من 1-9-2020 وقت الانفصال بيني وبين أم طفلتي وأنا ملتزم بكل النفقات والأجور المتفق عليها، ومصاريف الدراسة واللبس المتفق عليه وقت الانفصال مع الاختلاف في بعض الزيادات، ومنها المبالغة في التمارين الرياضية، بتمرن البنت 7 رياضات مختلفة (دي مش مبالغة ده رقم حقيقي).
أضاف الإعلامي خالد عليش على صفحته الشخصية: «بالرغم من إني مش بعرف أشوف بنتي بالشكل المتفق عليه، بس مستحيل أتأخر في التزاماتي، وببعت بالتحويلات البنكية، وبالمناسبة مبالغ كبيرة أنا وافقت عليها وما اعترضتش عشان محدش يقول بتاخد ملاليم».
استكمل «عليش»: المحامي يقولي لازم إنذار رسمي، أقوله مفيش داعي كدة كدة أنا هدفع خليها تاخد الفلوس في حسابها بكل أريحية، مفيش داعي للبهدلة، من كام شهر لقيت دعوى حبس إني مش بدفع النفقات استغربت، وقولت يمكن عشان اللخبطة بس، وكملت دفع في البنك عادي حتى أكتوبر 2023 (عبيط بقى)، معايا ما يثبت ذلك في التحويلات البنكية.
وأضاف عليش شارحا عبر بوست طويل: «قبل الجلسة النهاردة قعدنا وديًا في وجود المحامين، واطلب مني مصاريف أخرى وتم ابتزازي بطلبات أخرى مبالغ فيها مقابل الاعتراف باستلام المبالغ دي، واختلفنا بس في شهر واحد محسوب غلط، قُلت لو رسيت على شهر مش مشكلة بسيطة، دخلت المحامي الخاص بيها، ومحضرتش أمام المحكمة، وهو قال إحنا مخدناش منه حاجة، ودي تحويلات أخرى بينهم ملهاش علاقة بالنفقات، والمحكمة هتطلب مني أدفع الفلوس مرة تانية، أنا مستحيل كنت أصدق إن ده يحصل، بس القانون لا يحمي المغفلين، الحمد لله وحسبي الله ونعم الوكيل، والحق هيرجع هيرجع، بس أديك شُفت معادن الناس الحقيقي.
علقت ميرهان عمرو، على كلمات طليقها الإعلامي خالد عليش، من خلال نشر ستوري لها على موقع «إنستجرام»، وكتبت: «ربنا يعوضك يا ابن الأصول يا متربي».
تابعوا آخر أهل مصر على Google News
