رثى الفنان حسام داغر والدته في ذكرى وفاتها الرابعة اليوم بعض الكلمات المؤثرة، حيث قام بالدعاء لها متذكرا بعض المواقف بينهما، حيث قال: ''النهاردة سنويتك الرابعة يا ماما يا حبيبتي وطول عمرك بتحبي الورد وملقتش حاجة ممكن توصلك غير الدعاء والورد اللي بتحبيه''.
حسام داغر
رسالة حسام داغر لوالدته في ذكراها
واستكمل حديثه عبر صفحته الرسمية بموقع تبادل الصور والفيديوهات إنستجرام قائلا : ''فاكرة الفيديو ده لما إخواتي صورونا وإحنا داخلين من الباب من الحج ف إنتي دلوقتي في الجنة المليانة ورود 'إِنَّ الْمُتَّقِينَ فِي جَنَّاتٍ وَنَعِيمٍ'، الآية بتصور النعيم اللي بيوصل ليه المتقون.. وانتي وردك والفل اللي زرعتيه بيطرح كل سنة وناس بتشمه و بقولهم ماما اللي زارعاه وسبحان الله كإن ريحته من الجنة'.
وتابع: ''النهاردة إن شاء الله ربنا يقدرني نعملك ختمة عندي في بيتي مع حبايبك وحبايبي ويا رب ثوابها يوصلك هدية عيد ميلادك يوم 25 يناير وذكرى وفاتك يوم 18 يناير اللي يحب يشاركنا يبقاله الأجر والثواب.. لو كنتي عايشة وسطينا كان زمانك تميتي 70 سنة النهارده أکید مكنتیش هتحبي الرقم ده''.
واختتم: ''بس كنا هنضحكك شوية ونهزر معاكي لحد ما تنسي يا جمیلة وبشوشة وطيبة.. عيد ميلادك في الجنة يا حبيبتي مع بابا حبيبك ويا رب تكوني راضية عني وحشتيني قوي''.
تابعوا آخر أهل مصر على Google News
