أحمد العوضي: "ياسمين بنت أصول وأنا حبتها عشان كدة''

قال الفنان أحمد العوضي -تعليقا على زيارة الفنانة ياسمين عبد العزيز له في المستشفى ومتابعة حالته الصحية- ''أنا حبيت ياسمين لأنها بنت اصول وست أصيلة ولحد دلوقتي رغم الظروف في بينا احترام وده مستغربتوش منها لأني كنت منتظره ''.

https://www.facebook.com/share/v/TvbogA6PZ26VX3dD/?mibextid=VuxXZ0

أحمد العوضي عن ياسمين عبد العزيز

وتابع خلال مكالمة هاتفيه مع الإعلامي شريف عامر على برنامج يحدث في مصر عبر فضائية mbc: ''أنا وياسمين حالة خاصة جدا حتى أنت لسة بتقول قصة كبيرة والعالم العربي كله كان معانا حتى لما أعلنا الإنفصال أعلناه بشكل يليق بحب الناس لينا وياسمين كانت سمعت بالرغم إننا منفصلين إن أحمد تعب فالتصوير وجاله إلتهاب فالشعب الهوائية فبعتتلي قالتلي انت كويس وانا كنت لسة خارج من عند الدكتور والمفروض إني اتحول على المستشفى''.

وأردف أحمد العوضي: ''ياسمين كانت اول واحدة تعرف وقولتلها إني مش عايز حد يعرف ورغم الأنفصال روحت المستشفى لقيت ياسمين داخلة عليا وبتطمن وهي كل يوم معايا على فكرة يعني مسابتنيش لحظة بصراحة وده مش جديد عليها لأن ياسمين أنا حبتها لأنها بنت اصول وست أصيلة ولحد دلوقتي رغم الظروف في بنا إحترام وده مستغربتوش منها لأني كنت منتظره'.

واختتم: ''كل إللي بيقال كله بفسره حب حتى لو كان في منه بيتحلل غلط، والحمد لله وفضل ونعمة وحب الناس ده نعمة من ربنا سبحانه وتعالى بس أنا حبيت أطمن كل إخواتي وجمهوري من خلالك يأستاذ شريف وأنا بحترمك جدا''.