علقت الفنانة ميرهان حسين على الأنباء، التي انتشرت عن انفصالها عن خطيبها بسبب الفنانة شيرين عبد الوهاب.
وقالت ميرهان حسين في لقاء ببرنامج عرب وود: 'أنا زي أي بنت كنت مخطوبة من سنة وكان فرحي هيبقى في شهر فبراير اللي جاي، وأنا من النوع اللي مش بحب أعلن كل حاجة في حياتي الشخصية في العلن، وكنت مقررة أني هعلن مع كتب الكتاب والفرح لكن جوة حياتي وفي الوسط الناس اللي بتشتغل معايا عارفين الموضوع'.
وتابعت ميرهان حسين:'اخر حاجة كنت بعملها مسرحية في السعودية كنت هخلصها وهنزل بقى ابتدي أعزم الناس واصدقائي وزمايلي، أنا مدخلتش مع حد في موضوع، يعني متسألنيش عن اسامي..أنا ممكن اتكلم عن حياتي الشخصية لكن مقدرش اذكر اسم اي حد ولا اتكلم عن حاجة حصلت مع حد، كل حاجة بحاول أخدها بشكل ايجابي أو وقبل ما أشوف الحاجة الوحشة بشوف أن الحمد لله ودي حاجة ايجابية، لكن طبيعي أنا بنى ادمة أكيد فيه حجات بضايقني وبتوجعني وتألمني وتصعب عليا نفسي وبحس بالظلم، طبيعي زي كل البنات لكن في الاخر كلنا بشر والبشر خطاء'.
وفي نهاية اللقاء غنت ميرهان حسين جزء من أغنية شيرين عبد الوهاب:'كل ما انسالك كلامك برجع افتكرو في الزمان ده الكدابين اتمكنو وكتروا'.
تابعوا آخر أهل مصر على Google News
