"ضحيت بهم علشان فلسطين".. زينة تهاجم الجمهور بسبب أولادها: "انتو مالكم" (فيديو)

كشفت الفنانة زينة عن رغبتها في عدم ظهور أبنائها على السوشيال ميديا، مؤكدة أن الأطفال حساسين للحسد ورغم ذلك خاطرت بهم وأخذتهم الهلال الأحمر للتبرع لفلسطين.

صور أولاد زينة

وقالت الفنانة زينة خلال حلولها ضيفة على برنامج 'الراديو بيضحك'؛ مع الإعلامية فاطمة مصطفى على 'راديو 9090': ''بتضايق أما حد يقولي وريني ولادك، انت مالك، هو أنا طلبت منك توريني ولادك، دي حاجة خاصة جدا والولاد عموما بيكونوا حساسين من ناحية الحسد وأنا ببذل مجهود كبير أوي منزلش صورهم'. 

بخاف حد يصورهم

وتابعت زينة: ''أنا بتحرم من حاجات كتير أوي إني أنزل كدة معاهم، بخاف حد يصورهم أنا بخاف على العيال أوي ودي حرية شخصية أنا مبدخلش في حياة الجمهور وهو ليه عندي الشغل مش حياتي الشخصية''.

وأضافت: ''كنت في الهلال الأحمر عشان فلسطين وكنت وخداهم معايا عشان أعلمهم، احنا بنروح دار الأيتام وعندهم صحاب هناك وبيقولوا عليهم إخواتهم ومبصورش ده، لكن فلسطين والهلال الأحمر كنت عايزة كله يعلم عياله يعني إيه فلسطين فضحيت بيهم عشان كدة، الموضوع ده لازم نهتم بيه جدا''.

وأكملت حديثها: ''بربي عيالي أنهم يكونوا عيال قوية يحسوا بغيرهم ويخافوا على الناس ويسعدوهم، وبجاهد مع عيالي أنهم ميتصوروش غصب عني لأنهم زي أي أطفال عايزين تيك توك وسوشيال ميديا وكدة بس أنا قولتلهم كريستيانو معاه فلوس الدنيا كلها وابنه معهوش تليفون''.