حسن الرداد: إيمي سمير غانم طلبت مني الطلاق واحنا راكبين الطائرة (فيديو)

كشف الفنان حسن الرداد، عن أول خلاف بينه وبين زوجته الفنانة إيمي سمير غانم، وذلك أثناء سفرهم لقضاء شهر العسل بالمكسيك.

وقال حسن الرداد خلال لقائه في برنامج 'كلام نواعم' عبر قناة mbc1، خلال إجابته على سؤال عن سبب استمرارية ونجاح الزواج من وجهة نظره: الست أسهل كلمة عندها طلقني، خصوصًا في السنوات الأولى من الزواج، ولو الراجل ممسكش دماغه في كل المرات ممكن يحصل الانفصال.

خلاف حسن الرداد وإيمي سمير غانم

وعن أول خلاف بينه وبين إيمي قال: «كنا لسه طالعين الطيارة ومعرفش إنها بتخاف من الطيران، وأنا بحب اتحرك كتير وفضلت أقول الطيارة هتقع، فضلت إيمي تعيط وتقولي طلقني».

وأختتم حديثه قائلًا: «أول سنين الجواز من وجهة نظري وتجربتي بيبقوا صعبين أوي عشان تفهموا طباع بعض، وبعد كده في صعوبات أنكم تخلقوا حاجات جديدة والحياة بين الاتنين المتجوزين عايزة نفس طويل».