بيحتضر.. سماح القرشي تتبرأ من احتجاز حلمي بكر: كلام مش حقيقي

علقت سماح القرشي زوجة الموسيقار حلمي بكر، على الأنباء التي انشترت حول معاملتها بشكل سئ له ومنعها الزيارة عنه تماما من الجميع.

كلام مش حقيقي

وقالت سماح القرشي في مداخلة هاتفية ببرنامج حضرة المواطن المذاع عبر قناة الحدث اليوم: «الأخبار المنتشرة مستفزة جدا واستاذ حلمي شخصي لا يحجبر على إرادته وما قيل حاجة مش كويسة بالمرة وكلام مش حقيقي ومش صحيح، حتى لو عايزين نفتري نفتري بالمعقول، منفتريش باللي العقل ميستحملوش ولا الأقاويل تستحمله ميصحش ده ».

حلمي بكر قيد الاحتضار

وتابعت: «الأستاذ حلمي بكر تعبان من 3 شهور وكان قيد الاحتضار وكان تعبان جدا، ولما اتكلمت قبل كدا أن أستاذ حلمي عنده مشكلة مع بنك أو حد ناصب عليه قولنا لا معلش الأستاذ تعبان فهنشوف حالته الصحية الأولى ونراعيه وبعدين نبقى نشوف حقه فين الكلام ده يجي اكتر من شهرين تعبان من شهر ديسمبر».

وأكملت زوجة حلمي بكر: «احنا في الشرقية البيت اللي بيقولو عليه ممنوع يتزار ده فوجئنا بكمية صحفيين موجودين عندنا من الصبح ولحد دلوقتي لقيناهم عندنا فوق في الدور التالت، لا البوابة مقفولة تحت ولا العمارة مقفولة ولا البيت مقفول أصلا البوابة مفتوحة على مصرعهيا واللي يتفضل يزور اهلا وسهلا».